İran Hörmüz boğazında "qara siyahı"nı genişləndirib

Siyahıya böyük neft tankerləri, mayeləşdirilmiş təbii qaz, neft qazı və neft məhsulları daşıyan gəmilər daxildir. Reuters xəbər verir ki, İran Hörmüz boğazından keçmək üçün Tehranın qaydalarını pozduğuna görə qara siyahıya daha 11 gəmi əlavə edib və ümumi sayı 56-ya çatıb.

Siyahıdakı gəmilər boğazdan keçməyə cəhd göstərdikləri təqdirdə cərimə, yük müsadirə və ya saxlanılma ilə üzləşirlər. Siyahıya, xüsusən də böyük neft tankerləri, mayeləşdirilmiş təbii qaz, neft qazı və neft məhsulları daşıyan gəmilər daxildir.

Tehran həmçinin xəbərdarlıq edib ki, siyahıda olan gəmilərlə əməkdaşlıq edən, o cümlədən malları gəmidən gəmiyə daşıyan gəmilər də məhdudiyyətlərə məruz qala bilər.

Xatırladaq ki, ABŞ prezidenti Donald Tramp 1 sentyabr gecəsi Hörmüz boğazında genişmiqyaslı hücumlar zamanı ABŞ ordusunun 28 İran gəmisini sıradan çıxardığını açıqladı.

Bu, ABŞ-ın Hörmüz boğazında ticarət gəmilərinə edilən hücumlara cavab olaraq İran tankerlərinə hücum etdiyi ilk haldır. Tramp yeni "tankerə tanker" taktikasını təsdiqləyib.

VƏLİ