Moskva əhəmiyyətli ərazi qazanclarına nail ola bilmədi

...Rusiyanın Ukraynaya tammiqyaslı işğalının başlanğıcından bəri təxminən 500.000 rus hərbçisi həlak olub.

Təxminən isə 1 milyon insan yaralanıb.

Bunu Britaniya hərbi kəşfiyyatı bu itkiləri qiymətləndirir.

SİA-nın əldə etdiyi məlumata görə, bunu Sky News xəbər verir.

2022-ci ilin fevral ayından bəri Rusiya ordusunun ümumi itkiləri 1,5 milyona çata bilər. Böyük Britaniyanın Müdafiə Qərargah rəisi Ser Riç Naytonun sözlərinə görə, bu itkilərin əsas hissəsi 2023-cü ilin yanvar ayından bəri baş verib.

Lakin Moskva əhəmiyyətli ərazi qazanclarına nail ola bilməyib. Bütün tammiqyaslı müharibə ərzində Rusiya qoşunları Ukrayna ərazisinin təxminən 2 faizini ələ keçirib. Nayton hadisələri "mənasız və faydasız həyat itkisi" adlandıraraq, bu rəqəmlərin yüz minlərlə yaxınlarını itirən ailəni təmsil etdiyini vurğulayıb.

Britaniya hərbi komandanı həmçinin müharibənin Rusiya üçün iqtisadi nəticələrinə diqqət çəkib.

Onun sözlərinə görə, Rusiya iqtisadiyyatı yavaşlayan artım, zəif istehlak tələbi və yüksək inflyasiya ilə üzləşir.

Lakin Qərb rəsmiləri Vladimir Putinin Ukraynadakı məqsədlərindən imtina etməyə hazır olduğuna dair heç bir əlamət görmürlər.

Moskva böyük insan itkilərinə baxmayaraq, hələ də hərbi nəticə əldə etməyi gözləyir. Nayton qeyd edib ki, müharibə artıq 1660 gün davam edib.

Bu, Rusiyanın iki dünya müharibəsinin hər birində ayrı-ayrılıqda iştirakından daha uzundur.

Britaniya tərəfinin fikrincə, itkilərin miqyası Kremli strategiyasını yenidən nəzərdən keçirməyə vadar etməyib. Rusiya qoşunları eyni zamanda artan xərclər və ciddi iqtisadi təzyiqlə üzləşərkən cəbhənin müəyyən hissələrində irəliləməyə cəhd etməyə davam edir.

Əli Babayev