Avropada təhlükə böyüyür

Avropada 2026-cı ilin yayında müşahidə olunan rekord istilər və uzunmüddətli quraqlıq meşə yanğınlarının genişlənməsinə səbəb olub. Avropa Komissiyasının Birgə Tədqiqat Mərkəzinin məlumatına görə, avqustun əvvəlinə Aİ ərazisində 505 min hektardan çox sahə yanğınlardan zərər görüb və göstərici əvvəlki illərlə müqayisədə yüksək olub.

Ən ciddi yanğınlar xüsusilə İspaniya və Fransada qeydə alınıb. Reuters-in sentyabrın əvvəlində yaydığı məlumatda bu ilin yayında İspaniyada təxminən 116 min hektar, İtaliyada 79 min, Portuqaliyada 47 min, Fransada isə 42 min hektarın yandığı bildirilir.

Avropa Komissiyası bildirir ki, quraqlıq, yüksək temperatur və külək yanğınların daha sürətlə yayılmasına şərait yaradır. Proqnozlara əsasən, bəzi Avropa ölkələrində isti və quru hava sentyabrda da davam edə bilər.

Mütəxəssislər qeyd edirlər ki, meşə yanğınlarının artması yalnız meşələr üçün deyil, su ehtiyatları, kənd təsərrüfatı, biomüxtəliflik və insan sağlamlığı üçün də ciddi ekoloji riskdir.

Lalə Mehralı