Putin rusların kütləvi şəkildə ölkədən çıxması ilə təhdid olunur

...Ukraynanın Moskvaya ən böyük dron hücumundan sonra Rusiyada yeni səfərbərlik qorxusu artdı. Bu fonda ruslar ölkəni əvvəlcədən tərk etməyə başladılar, çünki mümkün çıxış məhdudiyyətlərindən qorxurlar,

SİA-nın əldə etdiyi məlumata görə, bu barədə Daily Express yazır.

Xatırladaq ki, ğtən bazar günü yüzlərlə dron Moskva və Moskva bölgəsinə hücum edib.

Zərbə Rusiyada parlament seçkilərinin son günündə baş verib. Rusiya hakimiyyəti cavab olaraq Ukraynaya zərbələri gücləndirmək niyyətində olduqlarını bildirib.

...Və getdikcə daha çox rus ölkəni tərk etməyi düşünür.

"Ark" layihəsinin məlumatlarına görə, iyulun ortalarından bəri mühacirətlə bağlı kömək üçün müraciətlərdə nəzərəçarpacaq dərəcədə artım müşahidə olunur.

"Necə getməli" və "səfərbərlik" axtarış sorğuları 2023-cü ildən bəri maksimum dəyərlərə çatıb.

...İrəvana gələnlərə kömək edən "Ark" layihəsinin koordinatoru Yan Slovitski baş verənləri yeni çağırış dalğası qorxusu ilə əlaqələndirir.

...İnsanlar əvvəlki dalğalarda baş verənləri artıq görüblər, ona görə də erkən gedirlər, - deyə o bildirib.

İyulun ortalarından bəri Rusiyada təkcə mümkün səfərbərliklə deyil, həm də yanacaq çatışmazlığı və internetdə fasilələrlə bağlı panika artır.

Çağırışların elektron qeydiyyatı qorxuları artırır.

Hakimiyyət avtomatlaşdırılmış sistemin məlumatlarına əsasən Rusiyadan çıxışı qadağan edə bilər. Putin yeni səfərbərlik haqqında danışıqları "tamamilə cəfəngiyat" adlandırıb.

Hücumdan sonra Moskva Ukraynaya qarşı zərbələri "gücləndirmək" niyyətini açıqlayıb. Avropa xüsusi xidmət orqanlarının Rusiya təcavüzünün mümkün genişlənməsi ilə bağlı bu bəyanatları və xəbərdarlıqları fonunda ruslar arasında qorxu artır.

Çoxları hakimiyyət yeni məhdudiyyətlər tətbiq etməzdən əvvəl getməyi üstün tuturlar.

Əli Babayev