ISW: Ukraynanın rekord qıran hücumu Rusiyanın zəifliklərini üzə çıxardı

...Və xatırladaq ki, Ukrayna qüvvələri Sankt-Peterburq və Leninqrad bölgəsində Rusiyanın rəqəmsal, enerji və logistika infrastrukturuna kütləvi hücum təşkil edib ki, bu da 2022-ci ildən bəri ən böyük hücumdur.

SİA-nın əldə etdiyi məlumata görə, Müharibə Tədqiqatları İnstitutu (ISW) nəticələri təhlil və Rusiya müdafiə sistemlərində aşkar etdiyi zəiflikləri izah edir.

ISW qeyd edir ki, Ukrayna Müdafiə Qüvvələri Sankt-Peterburq yaxınlığında Rusiyanın VKontakte (VK) sosial şəbəkəsinə məxsus məlumat mərkəzinə zərbə endirərək ciddi ziyan vurub.

VK-nın mətbuat xidməti zərbələri təsdiqləsə də, şirkətin xidmətlərinin hələ də işlək vəziyyətdə olduğunu bildirib. Lakin Rusiya mediası istifadəçilərin Ukrayna hücumlarından sonra platformada ciddi pozuntulardan şikayətləndiklərini bildirir.

330 kV-luq Vostoçnaya yarımstansiyasına da zərbə endirilib və təxminən 20.000 insan elektriksiz qalıb.

Bundan əlavə, Ukrayna Silahlı Qüvvələri Sankt-Peterburq Neft Terminalına və Sankt-Peterburqdakı Ozon bazarının anbarına hücum edərək böyük yanğına səbəb olub.

Digər bir zərbə şəhərin şimal və cənub hissələrini birləşdirən kabel körpüsünə dəyib.

ISW vurğulayır ki, Leninqrad bölgəsindəki zərbələr həm miqyası, həm də vurulan hədəflərin genişliyi ilə diqqət çəkir. Rusiyanın rəqəmsal infrastrukturuna və məlumat mərkəzlərinə qarşı zərbələr kampaniyası Rusiyanın rəqəmsal ekosistemində geniş xidmət fasilələrinə və elektrik kəsintilərinə səbəb olur.

Analitiklər qeyd edirlər ki, "Bu, bir daha Rusiya hava hücumundan müdafiə sisteminin davam edən zəifliklərini, eləcə də qoşunların komandanlığı və nəzarətindəki problemləri vurğulayır".

Əli Babayev