PDF Oxu

Siyasət

  • 969

"Qarşıdakı iki ildə hər iki partiyanın siyasi fəaliyyəti və iqtisadi vəziyyət həlledici əhəmiyyət daşıyacaq" - ŞƏRH

"Qarşıdakı iki ildə hər iki partiyanın siyasi fəaliyyəti və iqtisadi vəziyyət həlledici əhəmiyyət daşıyacaq" - ŞƏRH

"ABŞ-də noyabrın 3-də keçirilən Konqres seçkiləri ölkənin siyasi həyatında ciddi dəyişiklik yaradıb. Demokratlar həm Nümayəndələr Palatasında, həm də Senatda çoxluğu əldə ediblər. Bununla da Prezident Donald Trampın hakimiyyətinin qarşıdakı iki ilində siyasi qüvvələr nisbəti dəyişir". Bu sözləri SİA-ya açıqlamasında politoloq Polad Mehdiyev deyib.Onun sözlərinə görə, seçkilərin əsas nəticəsi ondan ibarətdir ki, Tramp prezident olaraq qalır, lakin artıq Konqresdə əvvəlki siyasi dəstəyə malik olmayacaq"Demokratlar qanunların qəbuluna, dövlət büdcəsinə və prezident administrasiyasının fəaliyyətinə daha ciddi təsir göstərmək imkanı qazanırlar. İlk növbədə, Tramp administrasiyası ilə Konqres arasında fikir ayrılıqlarının artması mümkündür. Demokratlar prezidentin iqtisadi siyasətinə, miqrasiya tədbirlərinə, dövlət xərclərinə və xarici siyasət qərarlarına daha ciddi parlament nəzarəti həyata keçirə biləcəklər.Burada mühüm hüquqi məqam var. ABŞ Konstitusiyasına görə, Konqresin prezidentin fəaliyyətini araşdırmaq, hökumət nümayəndələrini dinləmək və müəyyən hallarda impiçment proseduruna başlamaq səlahiyyəti mövcuddur. Lakin bu, Trampın avtomatik olaraq vəzifədən uzaqlaşdırılması demək deyil. Bunun üçün ayrıca hüquqi prosedurlar və Senatda üçdəiki səs çoxluğu tələb olunur.Xarici siyasətdə də müəyyən dəyişikliklər mümkündür. Xüsusilə Ukraynaya yardım, Rusiya ilə münasibətlər, İrana qarşı sanksiyalar və Çinlə iqtisadi rəqabət məsələlərində Konqresin təsiri arta bilər. Bununla belə, ABŞ prezidentinin xarici siyasət və hərbi məsələlərdə geniş səlahiyyətləri qalır. Ona görə də seçkilərin nəticəsini Amerikanın xarici siyasətinin tam dəyişməsi kimi qiymətləndirmək düzgün olmaz. Digər mühüm məsələ 2028-ci il prezident seçkiləridir. Noyabr seçkiləri göstərdi ki, Demokratlar Partiyası ölkənin müxtəlif bölgələrində seçici dəstəyini artıra bilib. Ancaq bu nəticələr 2028-ci il prezident seçkilərinin qalibini indidən müəyyən etmir. Qarşıdakı iki ildə hər iki partiyanın siyasi fəaliyyəti və iqtisadi vəziyyət həlledici əhəmiyyət daşıyacaq".
Müəllif: Arzu Qurbanlı

Digər xəbərlər