Çex Respublikasının Prezidenti Miloş Zemandan Azərbaycan Respublikasının Prezidenti İlham Əliyevə yenidən Prezident seçilməsi münasibətilə təbrik məktubu göndərdi

Çex Respublikasının Prezidenti Miloş Zemandan Azərbaycan Respublikasının Prezidenti İlham Əliyevə yenidən Prezident seçilməsi münasibətilə təbrik məktubu göndərdi.

Təbrik məktubunda deyilir: "Yenidən Azərbaycan Respublikasının Prezidenti seçilməyiniz münasibətilə səmimi təbriklərimi və yüksək ehtiramımı qəbul etməyinizi xahiş edirəm.

Ölkələrimiz arasında dostluq münasibətlərinin, həmçinin ticarət əlaqələrinin yüksək səviyyədə olmasından məmnunluq duyuram. 2012-cil ildə ticarət dövriyyəmiz 1,38 milyard avroya çatmışdır. Əminəm ki, bu müsbət meyil gələcəkdə də davam edəcək və çex şirkətləri üçün Azərbaycanda biznes imkanları daha da artacaqdır.

Zati-aliləri, Sizə möhkəm cansağlığı, şəxsi həyatınızda və ali dövləti fəaliyyətinizdə uğurlar arzulayıram".

yap.org.az