Millət vəkili MDB Parlamentlərarası Assambleyasının növbəti iclasında iştirak edəcək

Milli Məclisin mətbuat xidmətindən SİA-ya verilən məlumata əsasən, səfər zamanı qurumun MDB-də Terrorçuluq, cinayətkarlıq və narkobizneslə mübarizə sahəsində qanunvericiliyin uyğunlaşdırılması üzrə birgə komissiyasının, Təhlükəsizlik və müdafiə məsələləri, həmçinin Elm və təhsil daimi komissiyalarının iclaslarında bir sıra qanunvericilik aktlarına baxılacaq. Parlamentarilər MDB ölkələri üçün hazırlanan model qanunlara, o cümlədən "İnnovasiya Məcəlləsi"nə dair fikirlərini bölüşəcəklər. Millət vəkili müzakirəyə çıxarılan məsələlərə Azərbaycan tərəfinin münasibətini bildirəcək. Qeyd edək ki, səfər oktyabrın 9-da başa çatacaq.