"İnkişafa mərkəzdən başla" layihəsi uğurla icra olunub

Gənclərin İnkişaf və Karyera Mərkəzinin (GİKM) Gəncə nümayəndəliyinin təşkilatçılığı ilə “İnkişafa mərkəzdən başla” layihəsi uğurla icra olunub.SİA-nın əldə etdiyi məlumata görə, Gənclərin İnkişaf və Karyera Mərkəzindən bildiriblər ki, layihə çərçivəsində gənclər üçün 3 gün müddətində 6 mövzuda təlimlər keçirilib.Layihənin keçirilməsində məqsəd gəncləri şəxsi və peşəkar istiqamətdə inkişaf etdirmək, şəbəkələşmələrini təmin edərək ictimai fəaliyyətə cəlb etməkdir.Gənclər üçün "CV-lərin hazırlanması və iş müsahibəsinə hazırlıq", "İşgüzar yazışmalar", "Effektiv komanda xarakteristikaları", "Komanda quruculuğu", "Komanda quruculuğunun monitorinqi" mövzularında təlimlər keçirilib və praktiki tapşırıqlar yerinə yetirilib.Layihə ümumilikdə 54 gənci əhatə edib.Sonda layihə iştirakçıları sertifikatla təltif olunublar.

sia.az