Vyanada Teylor Sviftin üç konserti ləğv edilib - TERAKT EHTİMALI

Amerikalı müğənni Teylor Sviftin Vyanada gözlənilən üç konserti ləğv edilib. Tədbirin təşkilatçısı Barracuda Music-in dediyinə görə, bu, Avstriyanın təhlükəsizlik orqanlarının müğənninin çıxış etməli olduğu stadionda mümkün terror aktı ilə bağlı məlumatlarına görə baş verib. Konsertlərin avqustun 8-i və 9-da baş tutması planlaşdırılırdı.

"Hökumət rəsmilərinin Ernst Happel stadionunda planlaşdırılan terror aktını təsdiqləməsi ilə əlaqədar hər kəsin təhlükəsizliyi üçün planlaşdırılan üç şounu ləğv etməkdən başqa çarəmiz yoxdur", - təşkilatçı rəsmi internet səhifəsində bildirib.

Avqustun 7-də Avstriya polisi Vyanada terror aktı planlaşdırmaqda şübhəli bilinən 19 yaşlı Avstriya vətəndaşını saxlayıb. Hüquq-mühafizə orqanlarının nümayəndələrinin sözlərinə görə, onun diqqətinin obyekti Ernst Happel stadionunda Taylor Sviftin konserti olub. Polis həmçinin paytaxtdakı bütün konsertlərdə təhlükəsizlik tədbirlərini gücləndirmək niyyətindədir.

AYSEL