Türkiyəli nümayəndələr İrəvanda erməni nazirlə görüşüblər

Ermənistanın energetika və infrastruktur naziri Davit Xudatyan bu gün Türkiyənin Elektrik Enerjisi Ötürücü Təşkilatının İdarə Heyətinin sədri və baş direktoru Mustafa Püstünün rəhbərlik etdiyi nümayəndə heyətini qəbul edib. SİA-nın məlumatına görə, bu barədə Davit Xudatyan Ermənistan KİV-lərinə açıqlamasında bildirib. "Ermənistan-Türkiyə nizamlama prosesi çərçivəsində Gümrü-Qars elektrik ötürücü xəttinin bərpası və istismarı ilə bağlı görülən işlərə toxunduq.

Biz həm ikitərəfli, həm də regional əməkdaşlıq kontekstində Ermənistan və Türkiyənin enerji sistemlərinin birləşdirilməsinin vacibliyini vurğuladıq. Bu gün Türkiyədən olan nümayəndə heyəti həmçinin "Ermənistan Elektrik Sistemi Operatoru" QSC və "Yüksək Gərginlikli Elektrik Şəbəkələri" QSC-nin rəhbər heyəti ilə görüşüb", - Xudatyan qeyd edib.

Mətləb