Suriyada rejim qüvvələri ilə toqquşan rejim əleyhdarı silahlı qruplar Hələb şəhərinin kənar məntəqələrində bir kilometr məsafəyə çatıb. SİA xarici qaynaqlara istinadən xəbər verir ki, toqquşmalar ilk olaraq Hələb vilayətinin qərb çölündə ötən gün səhər saatlarında başlayıb və gün ərzində davam edib.
Hələbin qərbində 32 kənd və məntəqəni nəzarətə götürən silahlı qruplar ötən gün Hələb və İdlib əyalətlərində ümumilikdə daha 24 kənd və məntəqəni nəzarətə götürüb.
Rejim əleyhdarı qruplar Hələb şəhərinin kənar məntəqələrinə 1 kilometr yaxınlaşaraq, təxminən 400 kvadrat kilometr ərazini nəzarətə götürüb, həmçinin günün səhər saatlarında Hələb Neyrap Hərbi Hava Limanına pilotsuz təyyarələrlə hücum edib və bir helikopteri məhv ediblər.
Qarşıdurmalar davam edərkən, rejim qüvvələri qurudan-quruya silahlarla mülki yaşayış məntəqələrini hədəfə alıb.
Silahlı qruplar nəzarətə götürdükləri bölgələrdə rejimə məxsus ağır silahları, anbarları və hərbi maşınları ələ keçirib. Toqquşmalarda çoxlu rejim əsgəri ölüb, onlarla əsgər əsir götürülüb.
Bölgədəki qarşıdurmalardan qaçan 10 minə yaxın mülki şəxs İdlib çölünə sığınıb.
Hələbin şəhər mərkəzinə doğru şiddətlənən qarşıdurmalar davam edir.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
