Zelenski ərazilərin itirilməsindən danışıb

Ərazilərin itirilməsinin Rusiyanın xeyrinə tanınması Ukraynada parçalanmaya səbəb olacaq. SİA-nın məlumatına görə, bunu Ukrayna Prezidenti Vladimir Zelenski Amerikanın CBN News telekanalına müsahibəsində deyib.

...Konstitusiyaya və qanunvericiliyə görə biz onları hüquqi cəhətdən Rusiya əraziləri kimi tanıya bilmərik. Ölkə daxilində bu, Ukrayna və Ukrayna cəmiyyətində parçalanmaya gətirib çıxaracaq, - deyə Ukrayna prezidenti bildirib.

Zelenski hesab edir ki, belə nəticəyə gətirib çıxara biləcək mövzularla flört etməyə ehtiyac yoxdur.

O əlavə edib ki, bu sahədə bir sıra məsələlərin diplomatik müstəvidə həllinə ehtiyac var. Zelenski bunu Ukraynadakı hərbi hissələrin sayının az olması ilə əlaqələndirib.

Bundan əvvəl Vladimir Zelenski Ukraynanın bütün ərazisi ilə NATO-ya dəvət almalı olduğunu bildirmişdi.

O qeyd edib ki, Kiyevdəki hakimiyyət münaqişə zamanı ölkənin NATO-ya qəbul olunmayacağını başa düşür.

Əli Babayev