Mayamidə rusiyalının iki mənzili müsadirə edilib

ABŞ məhkəməsi Florida ştatının Mayami şəhərində iki mənzili müsadirə edib. Ədliyyə Nazirliyi onların 2018-ci ildə Krımda Tavrida şossesinin tikintisinə görə sanksiya siyahısına əlavə edilmiş Rusiya vətəndaşı Viktor Perevalova aid olduğunu iddia edir.

Əmlakın müsadirə edilməsi ilə bağlı iddia 2024-cü ilin fevralında verilib. Qərar 2025-ci il yanvarın 7-dən qüvvəyə minib. Sanksiyaları pozaraq mənzillərin saxlandığı, köçürüldüyü və icarəyə verildiyi bildirilir. İki mənzilin dəyəri 1,8 milyon dollar qiymətləndirilir.

2018-ci ildə ABŞ Maliyyə Nazirliyi Krımda Tavrida magistralının tikintisində iştirak edən Rusiyanın VAD şirkətinə qarşı sanksiyalar tətbiq edib. Şirkətin həmtəsisçiləri kimi qeyd olunan Viktor Perevalov və Valeri Abramov da məhdudiyyətlərə məruz qalıb. VAD şirkətinin internet saytında cənab Abramov baş direktor, cənab Perevalov isə baş direktorun birinci müavini kimi göstərilib. 2018-ci ildə hər ikisi Forbes-in “Dövlət Satınalmalarının Kralları” reytinqinə daxil edilib.

AYSEL