Gürcüstanda kütləvi tətil başlayıb

Tbilisidə yeni parlament seçkilərinin keçirilməsi və saxlanılan etirazçıların azad edilməsi tələbi ilə genişmiqyaslı tətil keçirilir. SİA-nın məlumatına görə, İnterpress News xəbər verir ki, tətilə Gürcüstanın beşinci prezidenti Salome Zurabişvili də qoşulub.

Aksiyanın məqsədi təkcə hakimiyyətə təzyiq göstərmək deyil, həm də ölkənin Avropa İttifaqı ilə inteqrasiyadan imtina etməsi səbəbindən təcrid olunacağı təqdirdə onun üçün mümkün nəticələri nümayiş etdirməkdir.

...İqtisadi durğunluq, bağlanan müəssisələr, yoxsulluq və işsizlik. Həm təhdidlər, həm də həll yolları hamı üçün ümumidir: yeni seçkilər və saxlanılanların azad edilməsi...

Bu, təşkilatçılar tərəfindən yayılan bəyanatda deyilir.

500-ə yaxın müəssisə tətilə qoşulub. Respublika meydanında 200-ə yaxın iştirakçı nəqliyyatın hərəkətini kəsib, Çavçavadze prospektində də oxşar aksiyalar keçirilir.

Paper Kartuli-nin məlumatına görə, tətil yerli vaxtla saat 18:00-a qədər davam edəcək.

Etiraz aksiyasında hakimiyyətin tərəfdarı sayılan iş adamı Soso Pxakadzenin holdinqinə məxsus Dunkin and Wendy’s-in filialları da daxil olmaqla iri şirkətlərin əməkdaşları iştirak edir.

Kampaniyada həmçinin Alta əməkdaşları, TBC, Liberty və Credo banklarının əməkdaşları, həmçinin Tegeta Motors və digər şirkətlərin nümayəndələri iştirak edirlər.

Əli Babayev