Gələn il Krım Ukraynaya qaytarılacaq?

Ukraynanın keçmiş prezidenti Petro Poroşenko özünün şəxsi “Facebook” səhifəsində qarçıdakı bir il içində Krımın Ukraynaya qaytarılacağı barədə məlumat yayıb. SİA bu barədə rus saytlarına istinad edir.

Belə ki, müqəddəs Qurban Bayramı ilə əlaqədar yerli Krım tatarlarına və ümumiyyətlə, bütün Ukrayna müsəlmanlarına müraciət yayımlayan Petro Poroşenko gələn il Ukraynanın yerli Krım tatar xalqının bayram tətilini Bağçasarayda qeyd edəcəyini bəyan edib: “İnanıram ki, bizim birgə səylərimiz nəticəsində təcavüzkarı məğlub edəcək və Krımı yeniən Ukraynaya qaytaracağıq”. Bu fikirlər Ukraynanın keçmiş prezidenti Poroşenkonun şəxsi “Facebook” səhifəsində yer alıb.

Xatırladaq ki, Krım 2014-cü ildə keçirilən referendumdan sonra Rusiya “ərazisi kimi tanıdılıb”. Bəli, məhz tanıdılmağa başlanılıb. Lakin buna baxmayaraq, bu ərazi Ukrayna və bir sıra Avropa ölkələri, eləcə də ABŞ tərəfindən hələ də Rusiya ərazisi kimi tanınmır. Bununla əlaqədar Avropa Birliyi və ABŞ Rusiyaya qarşı sanksiyalar tətbiq edib.

Ağasəf Babayev