Türkiyə meşə yanğınlarını nəzarətə götürür

Türkiyənin Kənd Təsərrüfatı və Meşə naziri Bəkir Pakdemirli, ölkədə yanğınsöndürənlərin və könüllülərin yaxşı əlaqələndirilmiş işi sayəsində 100-dən çox meşə yanğınının nəzarət altına alınmasının mümkün olduğunu bildirib.

Onun dediyinə görə, Bodrum bölgəsində davam edən yanğın bir neçə otelin boşaldılması ilə nəticələnmişdi. İndi həmin ərazilərdə yanğın söndürüləndən sonra soyudulma işləri davam etdirilir.

Nazirin sözlərinə görə, iyulun 28-dən bəri 107 meşə yanğını nəzarət altına alınıb.

Beləliklə, son dörd gündə Türkiyənin 30 vilayətində 88 meşə yanğınının nəzarət altına alındığını deyən Pakdemirli, Adana, Antalya, Muğla, Mersin, Osmaniye və vilayətlərində yanğının söndürülməsi davam etdiyini bildirib.

Qeyd edək ki, ötən yanğınlarla bağlı vəziyyət Rusiya və Türkiyə liderləri arasındakı telefon danışığının mövzusu olub. Belə ki, Putin, Rusiyanın Türkiyəyə hərtərəfli yanğınsöndürmə yardımı göstərməyə davam edəcəyini bildirib. Türkiyə lideri isə öz növbəsində göstərilən dəstəyə görə təşəkkürünü bildirib.

Ağasəf Babayev