Yeni Azərbaycan Partiyasının Şabran rayon təşkilatında seçicilərlə görüş keçirilib

2018-ci ilin 11 aprel tarixində Azərbaycanda çox əhəmiyyətli siyasi kampaniya – prezident seçkiləri keçiriləcək. Yeni Azərbaycan Partiyasının tədbirlər planına uyğun olaraq bütün yerli strukturlar bu kampaniyaya səfərbər edilib. Yeni Azərbaycan Partiyası Mərkəzi Seçki Qərargahının Şabran rayon şöbəsinin təbliğat-təşviqat qrupunun üzvləri martın 22-də «İlhamla irəli» şüarı ilə təbliğat kampaniyasına start verib.

Bu gün rayonun Düzbilici, Xəlfələr, Yelkəsən kəndlərində seçicilərlə görüş keçirilib.
Tədbirlərdə çıxış edən YAP Mərkəzi Seçki Qərargahı Şabran rayon şöbəsinin və YAP Şabran rayon təşkilatının sədri Mehdi Balabəyov bildirib ki, Azərbaycan dövləti aprelin 11-də keçiriləcək prezident seçkilərinin beynəlxalq standartlara uyğun demokratik keçirilməsi üçün lazımi şəraiti yaradıb. O qeyd edib ki, artıq martın 19-dan etibarən təbliğat-təşviqat kampaniyasına start verilib. Natiq xüsusilə vurğulayıb ki, partiyamızın bu günə kimi seçicilərlə keçirilən görüşləri onu deməyə əsas verir ki, 11 apreldə xalqımız hamılıqla prezidentliyə namizəd cənab İlham Əliyevə səs verəcək.
Sonra YAP Şabran rayon təşkilatının Şura üzvü Tofiq Əmrahov, YAP Şabran rayon təşkilatının Nəzarət Təftiş Komisiyasının sədri Əmircan Ocaqov və digərləri vurğulayıblar ki, Azərbaycan bu gün bütün dünyanın hesablaşdığı güclü bir dövlətdir”. Natiqlər bu uğurların davamlılığı üçün kürdəmirliləri cənab İlham Əliyevə səs verməyə çağırıblar.

yap.org.az