Ara qarışdıranlara ABŞ-dan maliyyə qaynağı

Rəsul Quliyev:

ABŞ Senatında adam tapmışam,
Vəd edib o, mənə hər səhər-axşam,
Maliyyə yardımı eyləyəcək tam,
Bosslar bizə iri pul verər ancaq,
Qrant almayacaq kim usanacaq,
Hər küçəyə çıxan pul qazanacaq.

Arif Hacıyev:

Palata üzvləri qışqırıb qaz tək,
Yapışar bosslara yapışqan maz tək,
Əli də, İsa da xalça-palaz tək,
Gedib o yollarda həm uzanacaq.

Rəsul Quliyev:

Gülümsər üzünü tez döndərəcək,
Bosslar çanaqlarla pul əndərəcək,
Yaxşı liderlərə çox göndərəcək,
Dözümlü gənclərə açacaq qucaq.

Arif Hacıyev:

Çoxlu dən səpirdi cücələrə də,
Xaric göndərərdi beçə, fərə də,
Çoxlu gənc çıxardı küçələrə də,
Dolardı kütləylə hər meydan, bucaq.

Rəsul Quliyev:

Mükafat hər kəsin yadında qalar,
Meydana gələnlər çoxlu pul alar,
Küçə-meydanlara maşınlar dolar,
Bakının üstündə sıxlaşar uçaq.

Arif Hacıyev:

Ancaq üz döndərər pullardan durak,
Rəsul göndərdiyi şampandan vuraq,
Gecələr narıncı çadırlar quraq,
Küçə-meydanlarda qalayaq ocaq.
Rəsul Quliyev:

Küçədə aranı xeyli qatarıq,
Lazım gəlsə, elə burda yatarıq,
Səmaya çox parlaq fişəng atarıq,
Biz burdan, siz ordan birgə nur saçaq.

Arif Hacıyev:

Bizə gənclər gərək, çox qilu-qallı,
Həm Əli amallı, İsa amallı,
Meydanda qol-qola gedərək yallı,
Tətbiq eyləyərik polisə bıçaq.

Rəsul Quliyev:

O ağciyərlərə verin həbləri,
Doldurun başlara sərsəm mifləri,
Bosslar dolduracaq dibsiz cibləri,
Qoyun qorxaq gənclər düşməsin qaçaq.

Arif Hacıyev:

Gəncləri dolduraq ən ucuz bara,
Daha çox gənc düşər, yəqin ki, tora,
Ayağa dolaşar aciz-avara,
Bizə meydanlarda lazımdı qoçaq.

Rəsul Quliyev:

Verin hamısına çoxlu tiryək, bəng,
Tökün küçələrə, eyləyərək zəng,
Təkcə sağlamları eyləməyin dəng,
Yarayar bu işə həm məriz, naçaq.
Arif Hacıyev:

Bizlərin ixtilaf salması üçün,
Kütlənin şəhərə dolması üçün,
Gənclərin meydanda qalması üçün,
Lazımdı onlarla iynə-sap, sancaq.

Rəsul Quliyev:

Siz üz-üzə duran xəzri tufanla,
Danışmaq asandı burdan İvanla,
Əlaqə quraram mən Yerevanla,
Diaspor zəng edər, dəstəklər "Qnçaq".

Arif Hacıyev:

Əsəbin sonuncu tarımlarıyla,
Tarlanın nahamar şırımlarıyla,
Xaricin dəstəkçi qurumlarıyla,
Daimi əlaqə həm isti, sıcaq.

Rəsul Quliyev:

Cadugər uğuru baharda görüb,
Sevinin siz bossu kandarda görüb,
İfratı kürsüdən kənarda görüb,
Qəzəb, hikkə ilə biz dolaq, daşaq.

Arif Hacıyev:

Qəhr etsin Yaradan naqis xəcili,
Bizim planımız ölçü-biçili,
Lazımdı bizlərə indi təcili,
Bizə bir cüt bəbir, bir cüt də vaşaq.
Rəsul Quliyev:

Deyəsən, biz adi səsik, hənirik,
Mitinqsiz meydandan xəcil dönürük,
Bizlər bu gedişlə ləng tərpənirik,
Deyirəm baryeri, əlbəttə, aşaq.

Arif Hacıyev:

Qəmlənərik meydan məhsul verməsə,
Dilənərik, zaman üsul verməsə,
Birtəhər dözərik boss pul verməsə,
Rəsuldan pul alıb, ürəkdən coşaq.

Rəsul Quliyev:

Kütlələr oyaqdı indi şeytandan,
Süzməyin onlara kofe çaydandan,
Bizim pulu verib qaçsa meydandan,
Qadağan olunsun gənclərə mazaq.

Arif Hacıyev:

İndi bu gənclər də İsanı soyub,
Bossun yardımının dadını duyub,
Pulu qatlayaraq cibimə qoyub,
Kütləyə qaçmağı edərəm yasaq.

Rəsul Quliyev:

Dünyada belədi qoyulan qayda,
Kütlənin gözələri ayda, ya çayda,
Dedim, biz bosslardan götürək fayda,
Demədim, meydanda özümüz qusaq.

Arif Hacıyev:

Radikal bəylərin başında papaq,
Gərək biz o başa-bu başa çapaq,
Dedim ki, gənclərlə burda dil tapaq,
Demədim, küfr edib daim yol azaq.