Radikallar təxribat törətməyi planlaşdırır

Araz Əlizadə:

Yeddisində radikallar qalar mat,
Bosslar verməz çoxlarına bir manat,
İstəyirlər törədələr təxribat,
Bir boşluq var ifratların özündə,
Həqiqət yox onların bir sözündə,
Arzuları qalacaqdı gözündə.

Qabil Hüseynli:

Bu cür işi o eyləyibdi peşə,
İstəyir ki, mandatı etsin meşə,
Biz Raufu cəlb eylədik bu işə,
Gizlənibdi bu cinayət izində.

Araz Əlizadə:

Bosslar salıb içimizə illəti,
Siz verdiniz kütlələrə zilləti,
Sevmədiniz nə vətəni, milləti,
Su da yoxdu birinizin üzündə.

Qabil Hüseynli:

Təxribatı törətməkdi çətini,
Biz tapmışıq Rauf kimi mətini,
Gizlədərik təxribat alətini,
Yaramızın qaysağında, bezində.

Araz Əlizadə:

Yararlanın mərhəmətdən, imdaddan,
Əl götürün sırtıqlıqdan, inaddan,
Qəmlənərsən, əl çıxanda mandatdan,
Təxribatçün taqət qalmaz dizində.

Qabil Hüseynli:

Biz əvvəlcə iqtidarı qınarıq,
Əl vursalar, süni tərzdə sınarıq,
Biz məxsusi bir tonqalda yanarıq,
Sənsə get yan ocağında, közündə.

Araz Əlizadə:

Bloklarda radikallar qarpışar,
Bossların da fikirləri çarpışar,
Liderlərin öz mizinə yapışar,
Mürgülərsən, sən öz adi mizində.

Qabil Hüseynli

Bu blokun xaricdə xoş adı var,
Bossun bizə vəsait imdadı var,
Gec üsyanın öz xüsusi dadı var,
Çox maraqlı cəhəti var tezin də.

Araz Əlizadə:

Bosslarının bayanısan, deyirsən,
Aşkarlığın həyanısan, deyirsən,
Zorakılıq qurbanısan, deyirsən,
Sənin üçün kobud da bir, həzin də.

Qabil Hüseynli:

Pissə, çölə sənətini çıxarma,
Quduzdursa, həm itini çıxarma,
Sən özün də çox şitini çıxarma,
Ayazçılıq dadı qalıb xəzində.

Araz Əlizadə:

Ayaz getdi, azalmadı meyim də,
Həm şirinlik duyulmaqda zəyimdə,
Sizin rəqib gülləkeçməz geyimdə,
Blokunuz boğulmaqda rezində.

Qabil Hüseynli:

Biz tapmışıq xilas yolu kirvədə,
İndi boss da əməl etmir heç vədə,
Özü durub Avropada zirvədə,
Xidməti çox hər dərənin, düzün də.

Araz Əlizadə:

Tapdadınız istedadı, talantı,
Fırladınız çox lüzumsuz variantı,
Siz xaricdən alırdınız qrantı,
Boss puluyla siz xaricdə gəzin də.

Qabil Hüseynli:

Di xloridlə zəhərləyib aşını,
Üzərinə yükləyibdi daşını,
O, sığallar liderlərin başını,
Oturmuşuq bossumuzun bizində.

Araz Əlizadə:

Heç də hər vaxt əzizlənmir xətirlər,
Onlar bu gün yanlış yolla gedirlər,
Bir budağı silkələdi liderlər,
Oturaraq budaqların yüzündə.

Qabil Hüseynli:

Heç nə düşmür indi bizdə ödəncə,
Onlar söyür, biz xaricə gedincə,
Blokumuz hər şikayət edincə,
Bosslar deyir bir qədər də dözün də,

Araz Əlizadə:

Blokunuz düşük, lider gicgicə,
Siz həm gündüz ilişirsiz, həm gecə,
Qida üçün baxırsınız xaricə,
Belə isə birdəfəlik çezin də.

Qabil Hüseynli:

Ağzınıza xaric iti tıx verib,
Əlimizə təxribatçün mıx verib,
Bosslar bizə ağır tapşırıq verib,
Qarşınıza hər çıxanı əzin də.

Araz Əlizadə:

Başınızda ildırımlar çaxacaq,
"Cırtdan"-curtdan başınıza çıxacaq,
Təxribatlar sonda sizi yıxacaq,
Bəd əməldən bir usanın, bezin də.

Qabil Hüseynli:

Liderlərin burnu giribdi kola,
Nə qədər ki, enməmişəm mən nola,
Xərcləyərək boss pulunu sağ-sola,
Yaxşısını dərk edirsən pisin də.

Araz Əlizadə:

Blokunda bilməmişlər heç eyib,
Zaman qəddinizi lap çoxdan əyib,
Bosslar daim liderinə "No" deyib,
Dadı-duzu qaçır o vaxt "Yes"in də.

Qabil Hüseynli:

Boss payını əsas şərt düz almaqdı,
Alanda da ən azı yüz almaqdı,
Bizdə əsas qrantı tez almaqdı,
Başqaları qoy nə deyir desin də.