Lalə Hacıyeva Əli Əliyevi dəstəkləməyəcək

Əli Əliyev:

"Yurd" da "Azadlıq"dan çıxıb gedəndən,
Lalə məni görüb, dolaşır gendən,
Əvəz kimilər də ulaşır gendən,
"VİP" "MBH" ilə dayanmır qoşa,
Mənim kəlamlarım çıxmaqda boşa,
Laləylə birliyim dirənib daşa.

Əvəz Temirxan:

Lalə son zamanlar səni sayıb, bil,
Ona tay deyilsən, bunu ayıb bil,
Laləylə blokun alınmayıb, bil,
Get qərargahında "VİP"-inlə yaşa.

Əli Əliyev:

Rusiya və Turan vəd eləmişdi,
Qülləli bir kran vəd eləmişdi,
O, mənə dağ-aran vəd eləmişdi,
Onun davranışı gəlməzdir xoşa.

Əvəz Temirxan:

Bilir ki, boş çıxmaz mənim bir səyim,
Sənə yox kəlməsi özüm söyləyim,
Dedi ki, "VİP"-i mən başdan eyləyim,
Lalə deyir Əli qorxuram çaşa.

Əli Əliyev:

Hüzurunda, sözsüz, yaş əymişdin sən,
Özün də başını xoş əymişdin sən,
Diz üstə önündə baş əymişdin sən,
Lalə dayanmışdı əlində maşa.

Əvəz Temirxan:

Sən cız-bız, Laləsə ləziz bir plov,
Səni uzaqlara atdı ilk qrov,
Lalə əzəmətli böyük bir alov,
"VİP"-inlə sən özün sönən talaşa.

Əli Əliyev:

Yazıq, sənin ömrün lüzumsuz, puçdu,
Liderin pır edib, kənara uçdu,
Lalə səni daim noxtalamışdı,
Sən isə altında yabı, alaşa.

Əvəz Temirxan:

Sən sönük bir kişi, o, bir əriydi,
Özün adi sümük, "VİP"-in dəriydi,
"Azadlıq" "Yurd" Əli, Lalə yeriydi,
Səni öz "VİP"-ində soxdu qaloşa.

Əli Əliyev:

Sən ölü can idin, "VİP"-in diriydi,
"Azadlıq" radikal birlik yeriydi,
Mən səndən fərqliydim, üçdən biriydim,
Üzün söyülməkdən dönüb padoşa.

Əvəz Temirxan:

Lalə bir kontingent, sən kiçik ada,
"VİP"-inin üstünə yüklənib qada,
Sonda Lalə sənə edəndə vida,
Mən qonaq edərəm səni lap xaşa.

Əli Əliyev:

Nəzərə alaraq hər qələtini,
Liderin sümürüb təmiz ətini,
Lalə saxlamamış heç hörmətini,
Sənin sədrliyin adi tamaşa.
Əvəz Temirxan:

Qaqaşın xanımın yanında durub,
Deyirdi "VİP" Əli yaman qudurub,
Lalə sənə elə ciddi od vurub,
Çətin ki, "VİP"-inə kimsə yanaşa.

Əli Əliyev:

Dinibsən, nə zaman Lalə dindirib,
Köpün qalxan kimi, dərhal söndürüb,
Lalə reytinqini elə endirib,
Sən lazım deyilsən, hətta Xanışa.

Əvəz Temirxan:

Həmişə yatmısan, olmuşam oyaq,
Lalə də bir mənə verəcək dayaq,
Hazırda Laləni kənara qoyaq,
Səni heç bəyənməz urus Qlaşa.

Əli Əliyev:

Yeni məkanını taparsan barda,
Sonra da olarsan dükan- bazarda,
Axı "MBH"-dən qaldın kənarda,
Get yat, boş başını qoyub balışa.

Əvəz Temirxan:

Sən öz görkəminlə bənzərsən bağa,
Bir miskin qulamdın, liderin ağa,
Siyasi meydandan düşdün qırağa,
Vaxtını sərf elə dava-dalaşa.

Əli Əliyev:

Yenə də səhərdən araq vurmusan,
Partiyada yeni büsat qurmusan,
Qınına çəkilib, susub durmusan,
Səndən diribaşdı tənha dolaşa.

Əvəz Temirxan:

Sən geri qalmısan, meydandan əl çək,
Etdin mübarizə əlində əlcək,
Bir lider görmədin Lalə xanım tək,
Çətin ətrafında lider dolaşa.

Əli Əliyev:

Artıq qapanıbdı sənin dairən,
Özün də ölgünsən, vallah, zahirən,
İndi heç bir şeyə qalmayıb çarən,
Getsən tut özünü ancaq "Malış"a,

Əvəz Temirxan:

Səni yel kənara atıbdı asan,
Özünə bir iş tap, get hörmət qazan,
Siyasi səhnədə qocalmaqdasan,
Diqqət et sifətdə olan qırışa.

Əli Əliyev:

Sədr nüfuzun da dirənib tinə,
Sən adam olmazsan, getsən də Çinə,
Lalə hörmət qoymur söyləsəm sənə,
Qorxuram, qəflətən halın qarışa.

Əvəz Temirxan:

Nəzəri cəlb etmir KİV-lərdə köşən,
Lalədən ayrıldın, çatladı şüşən,
Siyasət heç zaman olmamış peşən,
Girişmək əbəsdi artıq yarışa.