Müxalifət seçkilərə getməyəcək

Əhməd Oruc:

Radikallar qurşanıbdı içkiyə,
İsa, Əli verməkdədi yağ-piyə,
Heç birisi getməyəcək seçkiyə,
İsa, Əli bosslarına kölədi,
Qərargahlar mal-qaralı tövlədi,
İfratların mahiyyəti belədi.

Vurğun Əyyubov:

Məhəl qoymaz Müsavat hər seçkiyə,
Lazım olsa axıdar tər seçkiyə,
Guya bunlar gedəcəklər seçkiyə,
Əhməd Oruc lDUİ"-də bir kələdi.

Əhməd Oruc:

20 ildi deyir yenərəm dağı,
Axır vaxtlar yaman çıxarıb ağı,
İsa sanki bir ingilis bayrağı,
Onun səmti güləyədi, yelədi.

Vurğun Əyyubov:

Əhməd, yoxdu sənin işin, sənətin,
Mirmahmuda yaxınlaşmaq çox çətin,
İt dəftərində yox adı Əhmədin,
Nə elədi ona lDUİ" elədi.

Əhməd Oruc:

Pulsuz qalıb İsa, gülünc olubdu,
Rauf burdan gedib lap dinc olubdu,
Vurğun, Arif, Qabil girinc olubdu,
Müsavatın yönü bir bossgilədi.

Vurğun Əyyubov:

Mirmahmudun saçlarına düşüb dən,
Daşa dəymiş ümidləri olub tən,
Yaxşı vəkil çıxmayıbdı lDUİ"-dən,
Əhmədinsə ümidi bu ilədi.

Əhməd Oruc:

Müsavatda başqan könül qırandı,
Qabil burda adi yaxa cırandı,
İsa basdı ciblərinə qrantı,
Arif, Vurğun klarnetə pilədi.

Vurğun Əyyubov:

Burda liderlərin hər biri fağır,
Hamısı Əhmədə yanakı baxır,
Mirmahmud bəy əsla içməyir çaxır,
Əhmədinsə piyaləsi silədi.

Əhməd Oruc:

Özlərini burda üstün gördülər,
Yetkililər hər vaxt pis gün gördülər,
Rauf, Arif yenə bir gün gördülər,
Vurğun daim vəzifəyçün mələdi.

Vurğun Əyyubov:

Bir Əhməddi çərənləyir hey hədər,
Çünki üzür həmişə onu kədər,
O birilər abır qanır bir qədər,
Burda Əhməd ara vuran dələdi.

Əhməd Oruc:

Mirmahmud fil, başqan İsa bir böcək,
lDUİ" güclü, həyatı, çox çəkəcək,
Müsavatın bünövrəsi çökəcək,
Başqanın da yönü coşqun selədi.

Vurğun Əyuubov:

Bir vaxt Əhməd olub, ətsatan ətçi,
Ondan çıxmamışdır yaxşı sənətçi,
Mirmahmudun özü pis siyasətçi,
Əhmədinki fitnəydi, felədi.

Əhməd Oruc:

Arifoğlu başqa cürə gedəcək,
Vurğun Əyyub əldə cürə gedəcək,
İsa desə seçkilərə gedəcək,
Anlayın ki, bu adi bir tələdi.

Vurğun Əyyubov:

Əhməd Oruc, bənzərin var Məmişə,
Urcah oldum sənin kimi qəmişə,
İsa böyük addım atıb həmişə,
Saf suları üzərinə çilədi.

Əhməd Oruc:

Divanda da hamı ötür bülbül tək,
Biçilməyə hazırdılar sünbül tək,
Vurğun kimi, Arif kimi, Qabil tək,
Müsavatda namuslusu, bilədi.

Vurğun Əyyubov:

lDUİ" şefi olmaq istər vəkil, mer,
İstər ona yardım etsin, bosslar, ser,
Əhməd kimi əlləm-qəlləm funksioner,
Mirmahmudun başına kül ələdi.

Əhməd Oruc:

Ay Vurğun bəy, Müsavatın gedir ləng,
lDUİ" olub meydanlarda bir pələng,
Rauf, Arif aralıqda Qabil tək,
Vurğun özü İsa kimi piylədi.

Vurğun Əyyubov:

Əhməd deyən dəyməmiş kal almadı,
Müsavatda heç kəs onu almadı,
Mirmahmudu xaric saya salmadı,
İsa bəyə bosslar tez əl eylədi.

Əhməd Oruc:

Zaman yığar başqanın da ipini,
Yenə verər Müsavatın təbini,
İsa pulla dolduranda cibini,
İşsizlikdən Vurğun naxır teylədi.

Vurğun Əyyubov:

Boss əlindən çox alıbdı kasa bəy,
İndiyədək batmayıbdı yasa, bəy,
Xarici ilə oturanda İsa bəy,
Əhməd Oruc günc-bucağı iylədi.

Əhməd Oruc:

Müsavatda bu gün düşüb yorğun bəy,
İş görməkdən sanma olub durğun bəy,
Nə deyirsə başqanından Vurğun bəy,
Həm yalandı, həm böhtandı, hiylədi.

Vurğun Əyyubov:

Mirmahmuddu, öz çalıyla oynayır,
Əhməd Oruc söz çuluyla oynayır,
Başqanımız boss puluyla oynayır,
Əhmədinki məzəylədi, meylədi.