Sərdarla İqbalın “müxalifətin lideri olmaq” iddiaları

Sərdar Cəlaloğlu:

İndi ADP-ni önə göndərin,
Müsavatı siz arxaya döndərin,
Dövrü tamamlanıb İsa Qəmbərin,
Liderliyə meylim formalaşıbdı.

İqbal Ağazadə:

Mənəm ki, yanmışam onun oduna,
Liderlik yaraşmaz "Yurd"un adına,
Müsavat getməkdə "İP"-in badına,
Liderlik "Ümid"də normalaşıbdı.

Sərdar Cəlaloğlu:

Radikal baharı dönübdü qışa,
İnanmıram kimsə gedib barışa,
Homoseksuallar çıxıb yarışa,
"Yurd" da, Müsavat da pornolaşıbdı.

İqbal Ağazadə:

Deyirlər ifratda guya tül artıb,
Əslində, xılt artıb, zibil, kül artıb,
İsada xarici təmayül artıb,
Əli bəy bosslarla zurnalaşıbdı.

Sərdar Cəlaloğlu:

İfratlar içində alkaş, piyan çox,
İndi bəzisinə dəstək, həyan çox,
Özünü müxalif ana sayan çox,
Radikal kişilər analaşıbdı.

İqbal Ağazadə:

At-eşşək azalıb, çoxalıb qatır,
Çoxları başını başlara qatır,
İsanın, Əlinin qoynunda yatır,
Cümlə radikallar xornalaşıbdı.

Sərdar Cəlaloğlu:
İsası, Əlisi aranı qatar,
Arada axsağı məqsədə çatar,
Liderlər havaya qalxıb bir qatar,
Xaricə uçmaqda-durnalaşıbdı.

İqbal Ağazadə:

Lider var qazancdı qolu-sağrısı,
Yoxdu içlərində bircə doğrusu,
Lider var gətirir ürəkağrısı,
Lider var öz halı fənalaşıbdı.

Sərdar Cəlaloğlu:

Bosslara yalmanan dolub-şişibdi,
Yada casuslar var, lap ilişibdi,
Düşüncəsi darlar öküzləşibdi,
Kəl olub, mal olub, danalaşıbdı.

İqbal Ağazadə:

Bosslardan bir sent də barat görmədim,
Əli, İsa kimi pirat görmədim,
Mənaca durulan ifrat görmədim,
Azğın liberal var zinalaşıbdı.

Sərdar Cəlaloğlu:

Köhnə liderlərdə qalmayıb əzm,
Onlardan cavanam, məndə var dözüm,
Gələcəyin ifrat lideri özüm,
Mənim öz ADP-m mənalaşıbdı.

İqbal Ağazadə:

Çox da dindirməyin ifrat naqqalı,
Onlar andırmaqda mənfur çaqqalı,
Çoxunun ağarıb saçı-saqqalı,
Sığal verənləri hənalaşıbdı.

Sərdar Cəlaloğlu:

Hökm də verirlər Allah yerinə,
Əli soxulubdu Pənah yerinə,
Partlayıb bəzisi silah yerinə,
Bombaya dönübdü, minalaşıbdı.

İqbal Ağazadə:

Köhnə liderlərin gözləri dolub,
Nə xata olubsa onlara olub,
Xarici vəsait dərdindən solub,
Xəyala qapılıb xülyalaşıbdı.

Sərdar Cəlaloğlu:

Keçmiş liderlərin bir çoxu avam,
İfratlar iflasa uğrayıb tamam,
Özüm liderliyə layiq adamam,
İsa da, Əli də qabalaşıbdı.

İqbal Ağazadə:

Çoxu soyuq qışdan çıxmadı yaza,
Çıxanlar da qane olmadı aza,
Radikallar çıxıb qapaz-qapaza,
Sərdar da mənimlə yavalaşıbdı.
Sərdar Cəlaloğlu:

İndi hər radikal danışır boş-boş,
Boss da tənbəllikdən dönüb olub loş,
Liderlərin üzü olubdu padoş,
Zəncir tək bərkiyib halqalaşıbdı.

İqbal Ağazadə:

İndi "İP"-də belə düşgünlük labüd,
İstəyirsən məqsəd güdmə, ya da güd,
Əlinin, İsanın sifəti kobud,
Hətta təfəkkürlər palkalaşıbdı.

Sərdar Cəlaloğlu:

Bu gün lazım bizə kalan radikal,
Artıq olub iflas, talan, radikal,
Dünən xoruz, toyuq olan radikal,
Bu gün cırtdanlaşıb, çolpalaşıbdı.

İqbal Ağazadə:

Əli də, İsa da gedib qocalsın,
Qoy "Ümid" bayrağı göyə ucalsın,
Rayon liderləri rayonda qalsın,
Hətta qaradskoylar çuşkalaşıbdı.

Sərdar Cəlaloğlu:

Küçə-meydanlarda döyülməliyik,
İsaya, Əliyə çox gülməliyik,
İndi kresloya biz gəlməliyik,
Radikal liderlər yaman çaşıbdı.

İqbal Ağazadə:

İfratlar pul daman deşikdən aciz,
Onlar içdən aciz, eşikdən aciz,
İsa, Əli olub pişikdən aciz,
Mən qaynamaqdayam, Sərdar coşubdu.