Əli Kərimov və onun “Azadlıq” qəzeti xalqın “qara siyahısı”nda

Əhməd Oruc:

Bunları xarici tələ dik tutur,

Bossları önündə kölə-dik tutur,

Əli bəy başını elə dik tutur,

Elə bil biz nökər, özü klandı.

Əli Kərimov:

Bilməyib, bilməz də küy-kələk adım,

"İP"-də ön sırada, bil, zəvzək adım,

"Qara siyahı"da guya bəy adım,

Şayiə yayırlar, tamam yalandı.

Əhməd Oruc:

Hər biri köklənib ali yek üstə,

Guya dayanıblar uca dik üstə,

Burda qırğın gedir liderlik üstə,

"İP"-də ötür-ötür, talan-talandı.

Əli Kərimov:

Şayiə yayanın özü ki, gedir,

Qəlbinin alovu, közü ki, gedir,

Bu "qara siyahı" sözü ki, gedir,

Mənə yönəldilmiş qəsddi-plandı.

Əhməd Oruc:

"İP"-çilər ən ağır şələ aparır,

Hər biri özünü lilə aparır,

Əli bəy özünü elə aparır,

Guya bir mömindi, namaz qılandı.

Əli Kərimov:

Əhmədlərin sayı çatıbdı yüzə,

Hər biri himə bənd, durmaqda üzə,

Bədxahlar özünü qoyublar düzə,

Məni gözdən salan filan-filandı.

Əhməd Oruc:

Biz kasıb bəndələr hərbin nökəri,

İsa bossdan gələn zərbin nökəri,

Əli bəy, əslində, Qərbin nökəri,

Zənn edir belində qızıl palandı.

Əli Kərimov:

Əvvəl dəstəkləyən kəslər çox oldu,

Biz tənbəl işlədik çoxu yox oldu,

Bossa əl açanın qarnı tox oldu,

Qrant almayanlar kasıb dolandı.

Əhməd Oruc:

Tez-tez təxribata qatılan agent,

"İP"-də bir kənara atılan agent,

Əli bəy - xaricə satılan agent,

Nədənsə özünü bəxtəvər sandı.

Əli Kərimov:

Üzdü qurumunda göllərlə Əhməd,

Gəzdi səhralarla, çöllərlə Əhməd,

Oldu buyruq qulum illərlə Əhməd,

Qulxislət olsa da, o, bunu dandı.

Əhməd Oruc:

Əsla quran deyil - Əli dağıdan,

Liderlər ibarət "İP"-də yağıdan,

Can atır ki, çıxsın bu siyahıdan,

Əli bu fəndiylə şahmar ilandı.

Əli Kərimov:

İqtidarda idim - əsil gəlhagəl,

Elektorat görüb, edirdi gəl-gəl,

Naharı Nyu-Yorkda edərdim əvvəl,

Zavtrak ünvanım Madrid, Milandı.

Əhməd Oruc:

Əlinin qaşı da, gözü canalan,

Şirin danışığı, sözü canalan,

Əl altdan axtarır özü canalan,

Onun özü əsil canlar alandı.

Əli Kərimov:

Bir ovuc təpədi, onu dağ edir,

Ən pis etirafı bir yaltaq edir,

O, indi qudurub mənə lağ edir,

Əhməd Oruc özü küncdə qalandı.

Əhməd Oruc:

Dedi savadlıyam, kodla oynadı,

Yaralanan kimi yodla oynadı.

Bu ƏliKərimov odla oynadı,

Axırda da özü oda qalandı.

Əli Kərimov:

Lənət bu Əhmədə, lənət cins ata,

O özü bənzəyir çox bəd cins ata,

Özünü bənzədir Əhməd cins ata,

Ancaq qatırxislət adi qulandı.

Əhməd Oruc:

İsa milyon, qəpik qazanıb Əli,

Bosslardan bol çəpik qazanıb Əli,

Həmişə də təpik qazanıb Əli,

Keçənlər keçəndi, olan olandı.

Əli Kərimov:

İsa Qəmbərovla tən qrant aldım,

Əhməd dərdə düşdü, şən qrant aldım,

Bosslardan həmişə mən qrant aldım,

Həmişə Əhmədin ağzı sulandı.

Əhməd Oruc:

Əli Kərimovda ondu nəzərlər,

Bossların cibinə qondu nəzərlər,

İsaya baxanda dondu nəzərlər,

Əliyə baxanda ürək bulandı.

Əli Kərimov:

Əhməd kimiləri hədər radikal,

İsa özü məndən betər radikal,

Adımız sonsuza qədər radikal,

Əhməd siyasətdə çox tez solandı.

Əhməd Oruc:

İsanın, Əlinin kinləri parlaq,

Həm də ki, yalançı dinləri parlaq,

Əhmədin gələcək günləri parlaq,

Əlinin, İsanın sonu dalandı.

Əli Kərimov:

Düşməyib müsbət bir rəy cərgəsinə,

Daim urcah olub səy cərgəsinə,

Gəlib qoşulubdu bəy cərgəsinlə,

Əhməd elə bilir sultandı, xandı.

Mirzə QƏRƏNFİL