Müxalifət xarici qüvvələrdən asılıdır

Araz Əlizadə:

İfrat mövqelilər ömrü qısalıb,

Bizim radikala maraq azalıb,

Xarici qüvvədən asılı qalıb,

Qərb də yığmaqdadı "İP"-in ipini.

Vurğun Əyyubov:

"İP"-i bəyənməkdə bu gün Qross da,

Çoxlu pul verəcək, şəksiz, Soros da,

Bizə inanmaqda xaricdə boss da,

Artır başımızda qrant səpini.

Araz Əlizadə:

Bir sent düşməyəcək yüz işləyənə,

Hətta qoyulacaq göz işləyənə,

Düzünü ötürüb düz işləyənə,

"İP"-ə verəcəkdi pulun çəpini.

Vurğun Əyyubov:

Biz çox yararlandıq, bəli, bosslardan,

Ağıllı söz gəlib dəli bosslardan,

Ali ənam alar Əli bosslardan,

İsaya verəcək Soros cipini.

Araz Əlizadə:

Qərbdə maliyyəçi, sözsüz, yağlıdı,

Onu dingildədən aydın ağlıdı,

Xarici bossların cibi bağlıdı,

Çətin açsın sizə xaric cibini.

Vurğun Əyyubov:

"İP" də oyatmayıb Şimal ayını,

Daim tərifləyər Soros dayını,

Çatdırıb onlara qrant payını,

Yatırar həm Əli, İsa köpünü.

Araz Əlizadə:

Yormayıb siz daim əng, işləsəniz,

Edib qrant üçün zəng, işləsəniz,

Əgər sizlər bu cür ləng işləsəniz,

Boss sizə yeridər virus çöpünü.

Vurğun Əyyubov:

Bizimkilər Qərbə ətək verirlər,

Bosslar "İP"-imizə istək verirlər,

Əliyə ölkədə dəstək verirlər,

İndi İsanın da açıqdı önü.

Araz Əlizadə:

Boşalıb, zəifdi lider biləyi,

Çoxdan ələnibdi "İP"-in ələyi,

İsa boşaltmışdı artıq çəlləyi,

Əli axtaranda çaxır küpünü.

Vurğun Əyyubov:

Ayaz qaçan kimi başlandı "koman",

Uçmuşdu başına demokrat koman,

Əli meyxanaya güc verən zaman,

Yaxşı əzbərləyib İsa repini.

Araz Əlizadə:

Günün pis keçərdi bəy, mest olmasa,

Səni seçməzdilər, həm test olmasa,

Nə vaxtsa xaricdən bir jest olmasa,

"İP" öldürə bilməz, hətta çibini.

Vurğun Əyyubov:

Meydanda yerini sən var edəndə,

Zərdüştlə cəbhəni sən dar edəndə,

Səni özümüzdən kənar edəndə,

Düzgün müəyyən edə bildik tipini.

Araz Əlizadə:

Əli meydanda öz qəbrini qazdı,

Müsavat ətrafı yolunu azdı,

Başa düşəndə ki, dəstəkçi azdı,

İsa ön plana çəkmişdi dini.

Vurğun Əyyubov:

Sən də, qardaşın da zəlil-xar lider,

Özü də bilirsən, bizdə var lider,

İsa da, Əli də "Əməkdar lider",

Sən saya bilərsən özünü yeni.

Araz Əlizadə:

Gör "Soros" fondunda pul var, pul dilən,

Çanaq-çanaq, ya da xalvar pul dilən,

Qərbdən şirin dillə yalvar pul dilən,

Bossun əsəbində tutacaq cini.

Vurğun Əyyubov:

Etdin sən Ayazı partiyana paz,

İstə sən yeşyo raz, yeşyo, yeşyo raz,

Üz tut Moskvaya, pul istə, Araz,

Ayaz çinədana doldursun dəni.

Araz Əlizadə:

Hərəkət özündən, məsləhət bizdən,

İsanın, Əlinin dalında gizdən,

Həmişə də yapış əllidən-yüzdən,

Gözünün altına gətirmə mini.

Vurğun Əyyubov:

Xəzinə çıxartdıq ölünün altdan,

Nitqin çölə çıxmır dilinin altdan,

Qrant bizə qaçıb, əlinin altdan,

Çox da göylə getmə, gəl boşalt şini.

Araz Əlizadə:

Saldın öz başına daşı, bilirsən,

Bildiyin hər şeyi naşı bilirsən,

Paradoks yaradır, yaxşı bilirsən,

Əlinin uzunu, İsanın eni.

Vurğun Əyyubov:

Nəfəsin də yalan, nəfsin də yalan,

Budu ürəyinə vicvicə salan,

Karına çatırdı əvvəllər dalan,

Daldalanmaq üçün seçmisən tini.

Araz Əlizadə:

Yenə əyri tutub əldə qavalı,

O, yuya bilməyib "İP"-də babalı,

Gəzir cinli-cinli, Əli havalı,

İsa dost edibdi özünə kini.

Vurğun Əyyubov:

Nuru əskik edib Qədər üzündən,

Hamımız bezmişik betər üzündən,

Yenə yağmaqdadı kədər üzündən,

Küsdürə bilməzsən bizim tək şəni.

Mirzə QƏRƏNFİL