Əli Kərimovun Müsavatı parçalamaq planları

Əli Kərimov:

Töhfəm var sınaql, sirli maq üçün,

İsanın qəlbinə çəkmək dağ üçün,

Müsavatı içdən dağıtmaq üçün,

AMİP-"VİP" variantı ilk planımdı.

İsa Qəmbərov:

Öldürmədik, əvvəl çox gəzdi bizdə,

Çünki bir qurtum su içməzdi bizdə,

Əli variantı keçməzdi bizdə,

Məni qoruyanlar öz klanımdı.

Əli Kərimov:

Rəqibçün qapqara lövhələrim var,

Müsavata yeni "töhfələrim" var,

İsa üçün böyük fitnələrim var,

Dalda sürüdüyüm öz palanımdı.

İsa Qəmbərov:

Əlini göndərdim məhvə son yerə,

Tökülüb daima qəhvə son yerə,

Dağıldı bir zaman cəbhə on yerə,

"Yurd"u parçalayan bəd yalanımdı.

Əli Kərimov:

Lovğa dayanıbdı İsa Kant kimi,

Axıdaram seli lap krant kimi,

Mənim Müsavatda son variant kimi,

Bir təxribatım da sırf talanımdı.

İsa Qəmbərov:

Öz tilsimim ilə yendim çox kəli,

"Yurd" şefi felimlə olubdu dəli,

Əlimdə qurumu dağılan Əli,

Saralıb alma tək tez solanımdı.

Əli Kərimov:

Ay İsa, məkrimlə tez çez, qoşalan,

Müsavat adicə bir bez, boşalan,

İsanı minəndə o, tez boşalan,

Yenəndə zavallı tez dolanımdı.

İsa Qəmbərov:

İflasa uğradıb günahı onu,

Dörd əllə tutubdu əclafı onu,

Nifrətlə tərk edir ətrafı onu,

Əli tərəfimdən beh alanımdı.

Əli Kərimov:

Xaricdə-daxildə bilinmir qədri,

Bossları götürüb üstündən çətri,

O qədər bədxahdı Müsavat sədri,

Hamı ona deyir ki, filanımdı.

İsa Qəmbərov:

Süfrəmdə kişnəyən qulamım olub,

Mən qatır olanda, palanım olub,

Əli bəy saksafon çalanım olub,

İndi də yanımda dəf çalanımdı.

Əli Kərimov:

Hamı bilir Əli batırxislətdi,

Həmkarım daha çox qoturxislətdi,

İsa bəy atdan çox, qatırxislətdi,

O, dayça timsallı bir qulanımdı.

İsa Qəmbərov:

Belələri dolu çöllər-zəmilər,

Maşınlarla dolu, dolu gəmilər,

Yanımda-yörəmdə Əli kimilər,

İtinətök həddə, həm kalanımdı.

Əli Kərimov:

Rəqib cinahını tam haçalamaq,

İsanı postunda həm yaxalamaq,

Müsavatı yıxmaq, ya parçalamaq,

Nəyim var, o da var, bu, olanımdı.

İsa Qəmbərov:

Meyli uçurmaqdı yeliylə məni,

İstəyir qərq edə seliylə məni,

Əli götürərək əliylə məni,

Kədər girdabına nəhs salanımdı.

Əli Kərimov:

Qazı xeyli çoxdu, qazda gedəcək,

Pazıma keçibdi, pazda keçəcək,

İsa istefaya yazda gedəcək,

Məndən xeyli dalda mat qalanımdı.

İsa Qəmbərov:

Nə qədər büdrədim, fatihə deyib,

Arxamca danışıb, saymayıb eyib,

Atar sümüyümü ətimi yeyib,

Əli dərdə çarə həm qalanımdı.

Əli Kərimov:

Deyirəm ay Əli, dəymə topasın,

Axı uduzarsan, yoxdu zapasın,

"Yurd" Əli çox istər onu qapasın,

Açıq yollarımda o, dalanımdı.

İsa Qəmbərov:

Əlinin ümidi ancaq bu yazdı,

Qorxusu qızmar yay, qışda ayazdı,

Onun narıncıya meyli çox azdı,

Mavi xəyallara çox dalanımdı.

Əli Kərimov:

Ona qoyulubdu postda qadağa,

Başqan da iflasa getdi sadağa,

Qalmaqalda hamı getsə qabağa,

İsa dalda qalıb, saç yolanımdı.

İsa Qəmbərov:

O olub həmişə sinəsi dağlı,

Mən açmasam, olar qapısı bağlı,

Onun əlaqəsi xariclə bağlı,

Əli özümündü, əl ilanımdı.

Əli Kərimov:

Əgər qoşulmasa İsa marşıma,

Qatıb yeyəcəyəm onu farşıma,

İşdi, uğursuzluq çıxsa qarşıma,

Sığınacaq yerim öz Gilanımdı.

İsa Qəmbərov:

O adam yaz-yay yox, qış fəsli dostum,

"Yurd" Əli son günlər çox hirsli dostum,

Aram Manukunyan parisli dostum,

Ermənisevər də öz Milanımdı.

Mirzə QƏRƏNFİL