Ötgünlə Mirzə Qərənfilin müxalifətin son durumu mövzusunda deyişməsi

Ötgün

Gəl sənə söyləyim, Mirzə Qərənfil,

Müxalif dediyin saxta düşübdü,

Donublar, heyləri yox danışmağa,

Qışın at çapdığı vaxta düşübdü.

Mirzə Qərənfil:

Sənə cavab verim, ay şair Ötgün,

Radikal qurumlar pulta düşübdü,

Qarın-çovğunun bu qızğın çağında,

Onların könlünə Yalta düşübdü.

Ötgün:

Hərəsi bir atda, meydan, siyasət,

Adları nə oldu, nə? Müxalifət?

Deyəsən, bunlara ediblər sünnət,

Qanları şalvardan laxta düşübdü.

Mirzə Qərənfil:

Çoxusu tərsinə olunub sünnət,

Pul ödəyən Qərbə qoydular minnət,

Hər biri çıxıbdı bossa müxənnət,

Çoxu bu səbəbə kolta düşübdü.

Ötgün:

Xəlvət pillələrin üstə çıxırlar,

Əllərdə ləbləbi, püstə çıxırlar,

Hər gecə yuxuda üstə çıxırlar,

Ayılıb görür ki, alta düşübdü.

Mirzə Qərənfil:

Müxalifət adlı bu miskin banda,

Xeyli azğınlaşır yolu azanda,

Ayılıblar süqut astanasında,

Zorba boyunlara xalta düşübdü.

Ötgün:

Ərəb baharıdır, Misir yayıdır,

Ötənlər zənn etmə, dönüb qayıdır,

Birisi xaladır, biri dayıdır,

Gör necə firəvan vaxta düşübdü.

Mirzə Qərənfil:

Dinirlər cəmiyyət quranlar kimi,

Ağır davranırlar Turanlar kimi,

Qalıblar cərəyan vuranlar kimi,

Sanki bu ifratlar volta düşübdü.

Ötgün:

Buşa əl açdılar Buş quşa döndü,

Corca olan alqış qarğışa döndü,

Çiçəkli baharlar qar-qışa döndü,

Dondurdu iliyi şaxta, düşübdü.

Mirzə Qərənfil:

Üzləri-gözləri palçıq, çamırlar,

Bosslar gətirəndə, yala cumurlar,

Bunlar Obamadan qrant umurlar,

Yadlarına Qərbdə Malta düşübdü.

Ötgün:

Əlinin əlindən düşməz ənbəri,

Ətri məst eyləyib İsa Qəmbəri,

Zaman ötənləri döndərməz bəri,

Dur, al nəfəsini, taxta, düşübdü.

Mirzə Qərənfil:

"Bəylər" üz görəndə həddi aşırlar,

Pul adı eşitcək coşub-daşırlar,

Yürüş-mitinq deyib xosunlaşırlar,

Yerləri bir qədər dalda düşübdü.

Ötgün:

Yenə o tərəfdə Quliyev Rəsul,

Kimə don biçdirib, kimə verib çul,

Biri namaz qılıb hey edir qüsul,

Ona su daşıyır yaxta, düşübdü.

Mirzə Qərənfil:

Radikal "bəylər"i vurub şaxta, don,

Morqa aparırlar onları on-on,

Rəsul da uzaqdan götürüb razqon,

Dərin uçuruma salto düşübdü.

Ötgün:

Uzanır əlləri pulta, nə yaxşı,

Yaraşır boynuna xalta, nə yaxşı,

Soçi nə yaxşıdı, Yalta nə yaxşı,

Zənən axtarırlar, çatla, düşübdü.

Mirzə Qərənfil:

Bunların məntiqsiz gülüşü saxta,

Elə hamısını vurubdu şaxta,

Hər biri olubdu quruca taxta,

Əyindən narıncı palto düşübdü.

Ötgün:

Göz yaşı sünidi, soyuqdu qanı,

Burnundan tutun ki, çıxacaq canı,

Ay Mirzə, görmürsən, Azərbaycanı

Kəsməyə əlində balta düşübdü.

Mirzə Qərənfil:

İndi hər birində vəziyyət naçar,

Tezliklə dəstəkçi bossları qaçar,

Kömək etməyəcək bunlara açar,

Hər biri qaykasız bolta düşübdü.

Ötgün:

Xəttinə nə deyim, pisdi, ay İsa,

Dumandı, çiskindi, sisdi, ay İsa,

Özünü yelə ver, öskür, ay İsa,

Saymağa əlindən şotka düşübdü.

Mirzə Qərənfil:

Birinə də dəyməz bunların beşi,

Qida tuta bilmir ağrıyan dişi,

İsa görməkdədi, dediyin işi,

Əli xumarlanıb, balda düşübdü.

Ötgün:

Bunun Əlisi bu, İsası budu,

Qabili, Yaqubu, Musası budu,

Nə deyim, a Mirzə, qısası budu,

Bir bax, boyunlara noxta düşübdü.

Mirzə Qərənfil:

Bunların "MAP"-ları "VİP"-ləri budu,

Mayadan ayrılan tipləri budu,

Sapları o cürdü, "İP"-ləri budu,

Ayaqları altdan nal da düşübdü.