ALP “KXCP” ilə bir bloka girmək istəmir

Əvəz Temirxan:

"DCUMH" "İP"-dən çox dala düşər,

O getdiyi yerə yüz bəla düşər,

Mirmahmud gündə bir xəyala düşər,

Bizim "KXCP"-də bir işimiz yox.

Bəybala Əbilov:

Sevdik "DCUMH" örnəyini də,

Atmışıq çox "İP"-in dərnəyini də,

Yemərik heç ALP çörəyini də,

Mirmahmudla mənim gözlərimiz tox.

Əvəz Temirxan:

Belə cəsarət yox heç çibində də,

Durarıq ortada, kənar tində də,

Biz "İP"-in növbəti mitinqində də,

Olarıq ən iti uçan güllə, ox.

Bəybala Əbilov:

"KXCP" bloku layiq şirliyə,

Səni dəvət etdik bizlə dirliyə,

Özün qoşulmadın yaxşı birliyə,

Get öz Lalən ilə ALP-də qox.

Əvəz Temirxan:

"İP" sizə həmişə vurubdu yara,

Sizin Mirmahmudda yoxdu pul-para,

Siz partiyanızı atın kənara,

Lüzumsuz bloku götür yerə sox.

Bəybala Əbilov:

Boss verən qrantdan bir pay alarıq,

Məbləğ çoxaldıqca orda qalarıq,

Biz "İP"-ə qoşulsaq fəal olarıq,

Sizlər Mirmahmudla qeyri-fəal, lox.

Əvəz Temirxan:

Başlıca tələdi "İP"-də doğanaq,

Sənə çox demişik biz tərəfə ax,

Bizdə hava yoxdu bu cür boğanaq,

Bizim "DGUMH" yeganə blok.

Bəybala Əbilov:

Bir boss da durmadı sizlərə həyan,

Blok haqda Qərbə etmişik bəyan,

Sizi elə indi vurub cərəyan,

Vacib deyil vursun bundan sonra tok.

Əvəz Temirxan:

Sizin səmtə əsməz heç Qərbin yeli,

"İP" çoxdan sizlərə vurubdu pəli,

Elə ki, bir bossa çatmadı əli,

Tezliklə Mirmahmud keçirəcək şok.

Bəybala Əbilov:

Sizin blokunuz gətirməz məhsul,

Pul qazanmaq üçün bilmirsən üsul,

İsa ciblərinə qoyardı çox pul,

Əli də süzərdi Mirmahmuda sok.

Əvəz Temirxan:

Sizdə atlar azdı, çoxlu qoyun var,

Bu cürə qurumda yaxşı toyun var,

Mən ora gedirəm harda oyun var,

Çünki siyasətdə olmuşam iqrok.

Bəybala Əbilov:

Hörmət etməlisən səni sayana,

Yoxsa olacaqdı halınız fəna,

ALP başını döndər bu yana,

Nə qədər istəsən verərik srok.

Əvəz Temirxan:

Çox da axtarmayın faciə, dram,

Qəpik də qazanmaq olacaq haram,

Hələ tapmamısan əməlli aram,

Bilirəm, çıxıbdı yumurtanız lax.

Bəybala Əbilov:

Yaz sevinci duyma, hələ qışı çıx,

Ordan pis yerini, həm də qaşı çıx,

Axmaq qurum olan "İP"-ə qarşı çıx,

Bir etiraz bildir, tez ayağa qalx.

Əvəz Temirxan:

Sizə qoşularıq kələm yeyəndə,

Bizi yada salın ələm yeyəndə,

Sən də qəmdən nuş et, biz qəm yeyəndə,

Nə sizi, nə bizi dəstəkləmir xalq.

Bəybala Əbilov:

Bizimlə nuş eylə bir viski camı,

"İP" də qəbul etməz sənin tək xamı,

Heç zaman ləngitmə qəti addımı,

O vaxt cəsarətlə biz tərəfə ax.

Əvəz Temirxan:

Sizin yanınızda "İP" abad parkdı,

Oraya girməyə Mirmahmud qorxdu,

Sizin nəsibiniz bulanıq arxdı,

Yolumuz, əlbəttə, dumduru bulaq.

Bəybala Əbilov:

Dillə deyəmməzsən kağız deyəni,

Dərhal qamarlama naqis deyəni.

Qulaq eşitməyir ağız deyəni,

"İP"-də uğultudan tutulur qulaq.

Əvəz Temirxan:

Bir qərbli bossdadı pulun irisi,

Bizlərə ruh verir ilham pərisi,

Yoxdu yaxşı blok "İP"-dən qeyrisi,

Arabir zənd ilə ətrafına bax.

Bəybala Əbilov:

Qrant olsa belə azman şəlalə,

İsa verməz sizə, o, dönsə selə,

Xeyir götürməzsən nə sən, nə Lalə,

"İP"-in tavanında şimşək kimi çax.

Əvəz Temirxan:

Şalvarı gen elə, balağına bax,

Üstünüzə axan naloquna bax,

Arabir çevrilib blokuna bax,

Qurum ətrafını basıbdı alaq.

Bəybala Əbilov:

"İP"-də görünməkdə dərin çat belə,

Demədim, orada gedib bat belə,

Ordan keçə bilməz kəhər at belə,

"İP"-in qənşərində batıbdı ulaq.

Mirzə QƏRƏNFİL