Eldar Sabiroğlu: "Ermənistan müstəqil dövlət deyil"

Azərbaycan Müdafiə Nazirliyinin rəsmisi Ermənistanın müdafiə naziri Seyran Ohanyanın bəyanatına cavab verib. Nazirliyin mətbuat xidmətinin rəisi, polkovnik-leytenant Eldar Sabiroğlu ANS TV-yə açıqlamasında bildirib ki, Seyran Ohanyanın bəyanatı bir daha Ermənistanın müstəqil dövlət olmadığını və öz gücünə arxalanmadığını sübut edir: "Ermənistan artıq qeyri-müstəqil dövlətdir. Bunu belə adlandırmaq üçün böyük əsaslar var. Seyran Ohanyan belə bir mövqe bildirdi ki, Azərbaycan hər hansı bir həmlə edərsə, Rusiya onları müdafiə edəcək. Bu, açıq-aşkar göstərir ki, onlar özlərini müdafiə etmək gücündə deyil".