Əli Əhmədovun rəhbərlik etdiyi nümayəndə heyəti Koreyada səfərdədir

Yeni Azərbaycan Partiyasının Sədr müavini Əli Əhmədovun rəhbərlik etdiyi nümayəndə heyəti Koreya Respublikasının hakim Hannara partiyasının dəvəti ilə bu ölkədə səfərdədir.
Yeni Azərbaycan Partiyasının nümayəndə heyətinin aprelin 27-də başlanmış rəsmi səfər çərçivəsində Koreya Respublikasının Baş naziri Çanq Vun Can, Milli Assambleyanın sədri Kim Hyonq-o, Koreya Respublikasını Milli Assambleyasında Hannara partiyasının deputat fraksiyasının rəhbəri Ahn Sanq Soo, Koreya-Azərbaycan parlamentlərarası dostluq qrupunun sədri Suh Byonq-su, Koreya Respublikası Prezidentinin siyasi məsələlər üzrə baş müşaviri Bak Hyunq Cun ilə görüşləri nəzərdə tutulmuşdur.
Səfərin yekunu olaraq, paytaxt Seulda Yeni Azərbaycan Partiyası ilə Koreya Respublikasının hakim Hannara partiyası arasında Memorandum imzalanacaqdır. YAP nümayəndə heyətinin Koreya Respublikasına səfəri aprelin 30 - da başa çatacaqdır.