Ümumilli lider Moskvada belə yad edildi – HEYDƏR ƏLİYEV-100 - REPORTAJ

Rusiya və Azərbaycanın nəqliyyat nazirləri Moskvada Heydər Əliyevin 100 illik yubileyinə və BAM-ın tikintisində onun roluna həsr olunmuş sərgi açıblar

Rusiya paytaxtının mərkəzində Azərbaycanın ümummilli lideri Heydər Əliyevin anadan olmasının 100 illiyinə və onun ən mühüm nəqliyyat arteriyası olan Baykal-Amur magistral xəttinin tikintisində roluna həsr olunmuş sərgi açılıb. “Moskva-Baku” portalının həmin sərgidən reportajını oxucularımıza təqdim edirik.

Sərginin açılışına çoxlu sayda nümayəndə heyətləri, o cümlədən hörmətli qonaqlar- Rusiya və Azərbaycan hökumətlərinin üzvləri gəlmişdi. Sərginin açılışını Rusiyanın nəqliyyat naziri Vitali Savelyev edib.

“Heydər Əliyeviç Əliyev tarixə əbədi düşüb, adı BAM-ın tikintisində qızıl hərflərlə yazılmışdır, bizim üçün onun adı həmişə xatırlanacaq. Bu sərgi onun çox yaxında baş tutacaq 100 illiyinə təsadüf edir. Biz bu sərgidə BAM-ın tikintinin nə qədər çətin olduğunu görə bilərik. Çoxları bu layihəni qeyri-real hesab edirdi. Ancaq hər şey edildi- bunu əziz veteranlarımız, siz etdiniz. Qeyd etmək istəyirəm ki, bu gün Rusiya Prezidenti Vladimir Vladimiroviç Putin BAM-ın tikintisinə 2-ci nəfəs verib. Bu gün BAM uğurla inkişaf edir, o, dolğun həyat sürür”,- sərgini açan Rusiyanın nəqliyyat naziri Vitali Savelyev bildirib.

Azərbaycanın rəqəmsal inkişaf və nəqliyyat naziri Rəşad Nəbiyev, Rusiya Dəmir Yolları QSC-nin rəhbəri Oleq Belozerov və Azərbaycanın Rusiyadakı səfiri Polad Bülbüloğlu dinləyicilərə salamlama nitqləri ilə çıxış ediblər. Hörmətli qonaqlar qeyd ediblər ki, bu sərgi yeni nəslin BAM-ın tikinti tarixi ilə tanış olmasına kömək etməlidir.

“Bu gün Moskvada Heydər Əliyeviçin 100 illiyini qeyd etməyimiz bir daha onu göstərir ki, rus xalqının Heydər Əliyev şəxsiyyətinə məhəbbət və hörməti sarsılmazdır. Rusiya-Azərbaycan münasibətlərindən danışarkən qeyd etmək yerinə düşər ki, bu gün onlar bütün sektorlarda strateji xarakter daşıyır. Nazirliyimizin cavabdeh olduğu portfelə baxaraq əminliklə deyə bilərəm ki, əlaqələrimiz çox dinamik inkişaf edir. Biz “Şimal-Cənub” layihəsini uğurla həyata keçiririk. Keçən il biz Şimal-Qərb istiqamətində tranzit yüklərdə kəskin sıçrayış müşahidə etdik. Təbii ki, bu, təsadüfi deyil, liderlərimiz İlham Əliyevin və Vladimir Putinin əzmkar və gərgin əməyinin nəticəsidir”, - deyə Azərbaycanın rəqəmsal inkişaf və nəqliyyat naziri Rəşad Nəbiyev təbrik nitqində bildirib.

“Gənclər Baykal-Amur magistralının yaradılmasında böyük xidmətləri olan insanları tanımalıdırlar. Bu gün işləyən və müasir Rusiyaya fayda verən nəhəng magistral yol. Mən bu sərgini böyük diqqət, hörmət və sevgi ilə yaradan Nəqliyyat və Dəmir Yolları Nazirliyinə, cənab Levitinə təşəkkür etmək istəyirəm. Hamınız çox sağ olun. Hər kəsə uğurlar və hər zaman xalqlarımızın və dövlətlərimizin yaxınlaşmasına töhfə verən yaxşı əhvalda olun”, - deyə Azərbaycanın Rusiyadakı səfiri Polad Bülbüloğlu bildirib.

Rusiya Prezidentinin köməkçisi İqor Levitin Heydər Əliyevin Baykal-Amur magistralının tikintisinə verdiyi töhfəni bu gün xatırlayaraq vurğuladı ki, Heydar Əliyev təkcə bu ümumittifaq tikinti layihəsinin kuratoru deyildi, o, bu layihənin həyata keçirilməsi üçün hər şeyi etdi və bu yolu vaxtında inşa etdi. O, həmişə ilk növbədə insanların qayğısına qalırdı.

“Çətin idi, problemlər var idi. Ancaq yenə də onun bu tikintinin necə başa çatdırılacağına dair baxışı, baxışı yalnız strateji düşüncəsi sayəsində tamamlandı. Qeyd edim ki, onunla BAM-ın şərq hissəsində tanış olmuşam. O ərazini dövrə vurdu. Mən o zaman dəmiryol vağzalının hərbi komendantı idim. Kilometrlərdən, kilotonlardan və kubmetrlərdən daha çox insanların necə yaşadığından maraqlanırdı. Onların nə yedikləri, evlərində isti olub-olmaması, uşaqları məktəbə aparmaq məsələlərindən maraqlanırdı. Onun BAM boyu səyahətindən yadımda qalan budur. Heydər Əliyev kimi miqyaslı lider üçün ilk növbədə insanların, onların həyat tərzi, sonra neçə kilometrlərin tikildiyi, hansı ərazilərin necə seçildiyi daha vacib idi. Mən bunu çox yaxşı xatırlayıram. Həmişə ütülü geyinmiş, həmişə incə, şıq və həmişə gülümsəyirdi. Bu çox yaxşıdır. Onunla bağlı belə xatirələrim var”,- Rusiya prezidentinin köməkçisi İqor Levitin “Moskva-Baku” portalına müsahibəsində deyib.

Sərginin açılışı hədiyyəsiz ötüşməyib. Rusiyanın Nəqliyyat Nazirliyi azərbaycanlı həmkarlarına BAM-ın tarixinin tarixi məqamını əks etdirən rəsm əsərini təqdim edib. Azərbaycanın Nəqliyyat Nazirliyinin rusiyalı həmkarlarına hədiyyəsi olaraq sərginin mövzusuna həsr olunmuş rəmzi yazıları olan unikal Azərbaycan xalçası təqdim olunub.

Eyni hissədən sonra tədbirin qonaqları üçün sərginin ekspozisiyalarına qısa ekskursiya təşkil olundu, burada onlar Heydər Əliyevin SSRİ Nazirlər Sovetinin komissiyasına rəhbərlik etdiyi illərdə BAM-ın tikintisi və inkişafı üçün fəaliyyətinin əsas epizodları ilə tədricən tanış ola bildilər. Tədbirin əsas qonaqları da müxtəlif illərdə Heydər Əliyevlə birgə çalışmış şəxslər olub və bu gün onunla bağlı xatirələrini bölüşüblər.

“Lider kimi o, ölkədə o dövrdə malik olduğumuz ən yaxşı liderlərdən biri idi. Çünki o, həqiqətən hamıdan çox şey etdi. Birincisi, onun Azərbaycandakı fəaliyyəti yaxşı nəticələr verdi. Moskvada işləyəndə isə cavabdeh olduğu bir çox sahələr var idi. Xüsusilə, Baykal-Amur magistral xətti. O, bütün məsələlərə çox ciddi və vicdanla yanaşır və bacardıqca etməyə çalışırdı”, - 1983-cü ilin yanvarından 1988-ci ilin may ayına kimi Heydər Əliyevin şəxsi mühafizəsinin rəis müavini Viktor Nemuşkov “Moskva-Baku” portalı ilə xatirələrini bölüşüb.

“Ən əsası, özündən başlayaraq bütün ətrafına qədər çox tələbkar idi. Ən əsas tələbi isə ona həvalə edilmiş və ya başladığı hər hansı işi tamamlamasıdır. O, heç vaxt yarıda dayanmırdı. O, hər hansı bir məsələni izləməyə əmin idi. O, həddindən artıq enerjili idi. Heydər Əliyeviç SSRİ Nazirlər Sovetinin aparatında işlədiyi dövrdə sədrin ən gənc müavini idi. Qalanları 15-20 yaş böyük idi... Çox enerjili, çox peşəkar, çox obyektiv. O, Sovet İttifaqının böyük dövlət xadimi, Sovet İttifaqının böyük oğlu idi. Heydər Əliyeviçi belə adlandırmaq olar”, - deyə Heydər Əliyevin katibi Camal Camalov “Moskva-Baku” portalına bildirib.

Sərginin açılışından əvvəl Azərbaycan nümayəndə heyəti Yaroslavl dəmir yolu vağzalında BAM iştirakçılarının xatirə lövhəsini ziyarət edib.

Rusiyanın nəqliyyat naziri Vitali Savelyev və Azərbaycanın rəqəmsal inkişaf və nəqliyyat naziri Rəşad Nəbiyev BAM-ın tikintisinə həsr olunmuş “Nəsillərin estafet yarışı” adlı turist kuponu imzalayıblar. Kupon BAM veteranlarına və Rusiya Nəqliyyat Universitetinin tələbə və gənclər qruplarının qərargahına təqdim edilib.

Sərginin təşkilatçısı “Tavolqa” Elm və Mədəniyyətin İnkişafı Fondu olub. Bir ay açıq olacaq sərgini hər kəs ziyarət edə bilər. Daha sonra ekspozisiya BAM-a səfər edəcək.

Tərcümə - Elçin Bayramlı

Videoreportaja buradan baxa bilərsiniz

https://www.youtube.com/watch?v=GammB1GmBSE​

Yazı Azərbaycan Respublikasının Medianın İnkişafı Agentliyinin maliyyə dəstəyi ilə “Elmi-kütləvi, mədəni-maarif, təhsil proqramlarının hazırlanması” istiqaməti çərçivəsində hazırlanıb