Ağ Ev yenə də hədələdi - FOTO

ABŞ prezidenti Donald Tramp böyük bir Amerika donanmasının İran sahillərinə yaxınlaşdığını elan edib və Tehranı dərhal nüvə sazişi üzrə danışıqlar aparmağa çağırıb. Bu barədə xarici media məlumat yayıb. Məlumatda qeyd olunur ki, Tramp bəyan edib çağırışa cavab verilməyəcəyi təqdirdə Tehrana zərbələr endiriləcək. Trampın sözlərinə görə, USS Abraham Lincoln təyyarədaşıyan gəmisinin rəhbərlik etdiyi bir təyyarədaşıyan zərbə qrupu artıq bölgəyə yola düşüb. O, bu donanmanın ABŞ-ın Venesuela sahillərində əvvəllər yerləşdirdiyi qüvvələrdən xeyli güclü olduğunu vurğulayıb.

"Nəhəng bir armada İrana doğru gedir. O, böyük güc, həvəs və qətiyyətlə sürətlə hərəkət edir... Venesuela kimi, o da öz missiyasını lazım gələrsə, sürət və zorakılıqla tez bir zamanda yerinə yetirməyə hazırdır, istəklidir və qadirdir", - deyə Tramp yazıb. O, əlavə edib ki, Vaşinqtonun əsas tələbi Tehranın nüvə ambisiyalarından imtina etməsidir: “İrana əvvəllər də dediyim kimi, razılaşma əldə edin! Onlar razılaşmadılar və "Gecəyarısı Çəkic" əməliyyatı baş verdi və İranda ciddi dağıntılara səbəb oldu. Növbəti zərbə daha pis olacaq! Bunun bir daha təkrarlanmasına imkan verməyin”.

Qeyd edək ki, ABŞ Hərbi Dəniz Qüvvələrinin USS Abraham Linkoln təyyarədaşıyan gəmisinin rəhbərlik etdiyi bir təyyarədaşıyan qrupunun Hind okeanına gələrək ABŞ Mərkəzi Komandanlığının (CENTCOM) məsuliyyət zonasına daxil olduğu bildirilir.

Daha əvvəl media D.Trampın ABŞ kəşfiyyatından İran rejiminin 1979-cu il inqilabından bəri ən zəif nöqtəsində olduğunu göstərən çoxsaylı məlumatlar aldığını bildirmişdi.

İlham