Tramp NATO-nun dağılacağına işarə vurdu FOTO

ABŞ prezidenti Donald Tramp, "Əgər reaksiya olmazsa və ya reaksiya mənfi olarsa, düşünürəm ki, bu, NATO-nun gələcəyi üçün çox pis olacaq", - deyə Alyansa xəbərdarlıq edərək, müttəfiqlərdən Hörmüz boğazından keçidi bərpa etməkdə kömək tələb edib.

Bu strateji əhəmiyyətli boğazın blokadası İranın ABŞ ilə müharibədə ən təsirli addımına çevrildi. Eyni zamanda, həm bütün qlobal iqtisadiyyat, həm də şəxsən Tramp üçün böyük bir problemdir.

Buna cavab olaraq, ABŞ prezident administrasiyası boğazdan gəmilərin təhlükəsiz keçidini bərpa edə biləcək beynəlxalq dəniz qüvvələrinin yaradılmasını təklif edib.

Trampın çağırışı ABŞ ilə yaxşı münasibətləri qorumağa çalışan Avropa ölkələri üçün əsl çətinliyə çevrildi. Lakin, bu ölkələrin cəmiyyətləri açıq şəkildə Trampın müttəfiqlərlə heç bir məsləhətləşmə aparmadan başladığı müharibəyə girməyi qəbul etməyəcəklər.

Məhz buna görə də müttəfiqlər bu təşəbbüsə indiyə qədər məhdud həvəs göstəriblər: bəzi ölkələr Trampdan birbaşa imtina edib, digərləri isə yalnız minimal dəstək təklif edir.

İlham