Təcavüz Cinayətinə dair Xüsusi Tribunal yaradıldı - FOTO

15 may cümə günü Avropa Şurası Nazirlər Komitəsinin iclasında Ukraynaya qarşı Təcavüz Cinayətinə dair Xüsusi Tribunalın yaradılması proseduru ilə bağlı əsas qərar qəbul edilib.Bu barədə Ukrayna Xarici İşlər Nazirliyi məlumat verib. Qərar Kişinyovda nazirlər səviyyəsində keçirilən görüş zamanı qəbul edilib. 36 ölkə və Avropa İttifaqı Ukraynaya qarşı Təcavüz Cinayətinə dair Xüsusi Tribunal üçün rəhbər komitə yaradan beynəlxalq müqavilə olan Genişləndirilmiş Qismən Sazişi təsdiqləmək barədə razılığa gəliblər.

Ukrayna xarici işlər naziri Andrey Sybihanın sözlərinə görə, bu gün "geri dönüş nöqtəsi qəbul edildi - Xüsusi Tribunal hüquqi reallığa çevrildi". Eyni zamanda, o qeyd edib ki, bu, ədalət yolunda yalnız başlanğıcdır.

Sybiha Xüsusi Tribunalda iştirak edən dövlətlərin dairəsinin genişlənəcəyinə söz verib. "Daha çox ölkə olacaq. Haaqada bir müəssisə olacaq. Və hökmlər olacaq. Ukraynanın buna ehtiyacı var. Avropanın buna ehtiyacı var. Hətta Rusiyanın da bu tribunalına ehtiyacı var", - Sybiha əlavə edib. Xarici İşlər Nazirliyinin qeyd etdiyi kimi, Xüsusi Tribunalın Rəhbər Komitəsinin yaradılması haqqında Genişləndirilmiş Qismən Saziş onun fəaliyyəti üçün inzibati və idarəetmə çərçivəsini müəyyən edəcək, eləcə də Xüsusi Tribunal üçün regionlararası dəstəyi genişləndirmək üçün əlavə mexanizmlər yaradacaq. Həm Avropa Şurasının üzv dövlətləri, həm də üçüncü ölkələr Sazişə qoşula bilərlər.

İlham