PDF Oxu

Siyasət

  • 390

YAP – dünənin, bu günün, və sabahın partiyası… - ŞƏRH

YAP – dünənin, bu günün, və sabahın partiyası… - ŞƏRH

1992-ci il 21 noyabr tarixi müasir Azərbaycan siyasi tarixində xüsusi əhəmiyyət daşıyır. Həmin gün Naxçıvan şəhərində keçirilən təsis konfransı ilə Yeni Azərbaycan Partiyasının əsası qoyuldu və bu qərar ölkəmizin taleyində dönüş nöqtəsi oldu. O ağır və keşməkeşli dövrdə Azərbaycanı düşdüyü böhrandan çıxarmaq üçün milli məsuliyyət hissi ilə hərəkət edən ziyalıların təşəbbüsü Ulu Öndər Heydər Əliyevin liderliyi ilə böyük siyasi hərəkatın başlanğıcını qoydu.

“91-lər”in Ulu Öndərə müraciəti təkcə bir qrup ziyalının yox, bütün xalqın səsini ifadə edirdi. Məhz bu qətiyyətli addım nəticəsində dağıdıcı proseslərin qarşısı alındı və Azərbaycanın müstəqil dövlət kimi yaşaması üçün yeni siyasi mərhələ açıldı. Ulu Öndər Heydər Əliyevin həmin müraciətə verdiyi müdrik cavab YAP-ın yaradılmasının obyektiv zərurət olduğunu təsdiqlədi, ölkənin gələcək inkişaf modelinin əsas istiqamətlərini müəyyənləşdirdi.
21 noyabr 1992-ci ildə keçirilən təsis konfransında partiyanın Proqramı, Nizamnaməsi qəbul edildi və Heydər Əliyev yekdilliklə Yeni Azərbaycan Partiyasının sədri seçildi. Bununla da dövlətçilik ideyalarını özündə birləşdirən, Azərbaycan xalqını ümummilli məqsədlər ətrafında birləşdirən siyasi güc formalaşdı. YAP qısa müddət ərzində cəmiyyətin aparıcı qüvvəsinə çevrildi və Ulu Öndərin rəhbərliyi ilə “dünənin, bu günün və sabahın partiyası” kimi mövqeyini möhkəmləndirdi.
Bir sözlə, 1992-ci il 21 noyabr — müstəqil Azərbaycanın siyasi tarixində taleyüklü qərarların verildiyi, dövlətçilik ənənələrinin möhkəmləndirilməsinə xidmət edən mühüm bir gün kimi yadda qalıb. Həmin tarixdə Naxçıvan şəhərində Yeni Azərbaycan Partiyasının (YAP) təsis konfransının keçirilməsi ölkəmizi düşdüyü ağır vəziyyətdən çıxaracaq siyasi qüvvənin formalaşması baxımından strateji əhəmiyyət kəsb edirdi.
Ulu Öndər Heydər Əliyevin sözləri ilə desək, “YAP dünənin, bu günün və gələcəyin partiyasıdır”.
Yeni Azərbaycan Partiyası ölkənin ən ağır siyasi, iqtisadi və sosial böhranla üzləşdiyi bir dövrdə — dövlətçiliyin təhlükə altında olduğu zaman meydana çıxıb. Məhz belə bir məqamda Azərbaycan ziyalıları milli məsuliyyəti öz üzərinə götürərək ölkəni böhrandan çıxara biləcək yeni siyasi təşkilat yaratmaq təşəbbüsü ilə çıxış ediblər. Bu təşəbbüsün mərkəzində Ulu Öndər Heydər Əliyevin şəxsiyyəti dayanırdı.
Azərbaycanın yeni siyasi mərhələsinin başlanğıcını qoyan məşhur “91-lər”in müraciəti xalqın iradəsinin ifadəsi kimi tarixə düşdü. Ölkənin tanınmış ziyalıları, nüfuzlu ictimai xadimləri Heydər Əliyevə məktub ünvanlayaraq yaradılacaq siyasi partiyaya rəhbərliyi qəbul etməsini xahiş edirdilər. Bu addım dağıdıcı proseslərin qarşısını alan, milli həmrəyliyi təmin edən dönüş nöqtəsi oldu. Ulu Öndər Heydər Əliyev müraciətə verdiyi cavabda Yeni Azərbaycan Partiyasının yaradılmasını obyektiv zərurət kimi qiymətləndirərək qeyd edirdi ki, belə bir siyasi qurum müstəqil Azərbaycan dövlətinin möhkəmlənməsində tarixi rol oynaya bilər. Yeni Azərbaycan Partiyasının təsis konfransı ölkənin bütün regionlarını təmsil edən 550 nəfərlik təşəbbüs qrupunun iştirakı ilə Naxçıvanda keçirildi. Konfransda partiyanın Nizamnaməsi və Proqramı qəbul olundu. Ulu Öndər Heydər Əliyev yekdilliklə Yeni Azərbaycan Partiyasının sədri seçildi.
Bu qərar müasir Azərbaycanın siyasi sistemində yeni mərhələnin başlanğıcı idi. Beləliklə, dövlətçiliyin xilasında və inkişafında böyük tarixi missiya daşıyan siyasi təşkilat — Yeni Azərbaycan Partiyası formalaşdı.
Ulu Öndər Heydər Əliyevin rəhbərliyi ilə Yeni Azərbaycan Partiyası qısa müddət ərzində geniş ictimai dəstək qazandı və ölkənin aparıcı siyasi qüvvəsi kimi formalaşdı. YAP həm dövlətçiliyin ideya-siyasi dayağına çevrildi, həm də ölkədə demokratik siyasi mədəniyyətin inkişafına ciddi töhfələr verdi. Zaman keçdikcə partiya ümumxalq partiyasına çevrildi, ölkənin sabit inkişafının təminatçısı kimi çıxış etdi və bu mövqeyini bu gün də qorumaqdadır. 2005-ci il martın 26-da keçirilmiş III qurultay YAP tarixində yeni mərhələ açdı: Azərbaycan Respublikasının Prezidenti İlham Əliyev partiyanın sədri seçildi. Prezident İlham Əliyevin YAP-a rəhbərliyi Azərbaycan dövlətçiliyinin yeni inkişaf dövrünü formalaşdırdı. Onun sözləri ilə desək: “2003-cü ildə xalq Heydər Əliyev siyasətinə səs vermişdir… Biz son 17 ildə tarixi uğurlara imza atdıq.
Prezident İlham Əliyevin siyasi xətti Yeni Azərbaycan Partiyasının təşəbbüsü ilə ölkədə sağlam siyasi dialoq mühitinin yaradılmasına xüsusi önəm verir. Dövlətimizin başçısının sözləri bu yanaşmanı aydın ifadə edir: Bu prinsip əsasında formalaşan yeni siyasi konfiqurasiya milli həmrəyliyə, inklüziv dialoqa və dayanıqlı inkişaf strategiyasına xidmət edir. Son illərdə keçirilmiş bütün seçkilər Yeni Azərbaycan Partiyasına xalqın yüksək etimadını təsdiqləyir: 2024-cü il prezident seçkiləri: İlham Əliyev – 92,12 faiz, 2024-cü il parlament seçkiləri: YAP – 68 deputat, 2025-ci il bələdiyyə seçkiləri: YAP – böyük üstünlüklə qələbə!
Ölkəmizdə keçirilmiş seçkilərin nəticələri də xalqımızın Yeni Azərbaycan Partiyasına yüksək etimadını aydın şəkildə göstərir. 2024-cü il prezident seçkilərində, eləcə də parlament və bələdiyyə seçkilərində YAP-ın əldə etdiyi qələbələr xalqın gələcəyə inamının, dövlətçilik ideyalarına sədaqətinin təsdiqidir.
Bugünkü inkişafımız, əldə etdiyimiz nailiyyətlər, beynəlxalq arenadakı möhkəm mövqeyimiz və Qarabağın dirçəlişi Yeni Azərbaycan Partiyasının həyata keçirdiyi siyasi kursun nə qədər düşünülmüş və milli maraqlara söykənən bir yol olduğunu bir daha sübut edir.
Yeni Azərbaycan Partiyası bundan sonra da ölkəmizin tərəqqisi, milli birliyimiz və dövlətçiliyimizin möhkəmlənməsi naminə fəaliyyətini qətiyyətlə davam etdirəcək.
Bu nəticələr partiyanın ölkənin siyasi həyatında lider mövqeyini və geniş ictimai dəstək bazasını təsdiqləyir. 1992-ci il noyabrın 21-də Naxçıvanda əsası qoyulan Yeni Azərbaycan Partiyası 33 illik fəaliyyəti ərzində müstəqil dövlətimizin formalaşmasında, inkişafında və möhkəmlənməsində əvəzolunmaz rol oynayıb. YAP bu gün də müasir Azərbaycanın siyasi lideri, dövlətçilik maraqlarının təminatçısı və milli birliyin möhkəm dayağı olaraq öz missiyasını böyük uğurla davam etdirir.

Elçin Quliyev
YAP Nərimanov Rayon Təşkilatının sədri

Digər xəbərlər