“Bütün bu hallar gələcəkdə qida zəhərlənmələrinin qarşısını alacaq” - MÜTƏXƏSSİS AÇIQLADI

“Məlumdur ki, yaxın vaxtlarda təhsil müəssiələrində xüsusi qida nəzarətinə başlanılacaq və bufetlərinin fəaliyyəti yoxlanılacaq”. Bu sözləri SİA-ya açıqlamasında təhlükəsiz qida tədqiqatçısı Asim Vəliyev deyib.Onun sözlərinə görə, Qida Təhlükəsizliyi İnstitutu naziriliyin tabeliyindəki bütün müəssisələrdə xüsusi proqram və təlimlər həyata keçirməyi planlaşdırır: “Bu təlimlərdə keyfiyyətə nəzarət məsələlərinə, həmçinin qida zəncirinin mərhələərindən olan məhsulların daşınması, çatdırılması, satılmasına xüsusi nəzarət prinsipləri tətbiq olunacaq”.Asim Vəliyev sözlərinə belə davam edib: “Bütün bu hallar gələcəkdə qida zəhərlənmələrinin qarşısını alacaq, şagirdlərin, tələbələrin sağlam və təhlükəsiz qida ilə təmin olunmasına şərait yaradacaq”.

Ayşən Vəli