Nə, ilin bu “zerkalnı” günü-24.04.2024 də gəlib yetişdi. Xoş gəldi, səfa gətirdi. Söhbət bunda deyil. Yer öz oxu üzərində fırlanır, günləri də bir-birinin ardınca gətirəcək də, kim buna qarışa bilər ki...
Söhbət ondadır ki, 25.04.2024-cü il tarixdən ölkədə bəzi yerləri gəzib öyrənək lazımdır ki, bir gün əvvəl-24.04.2024-də:
- ölkədəki doğum mərkəzlərində, evlərində keysəriyyə əməliyyatı ilə neçə uşaq dünyaya gəlib;
-ölkədəki restoranlarda neçə nişan mərasimi keçirilib;
- ölkədəki restoranlarda neçə toy olub;
-ölkədəki nikahın qeydiyyata alınması şöbələrində neçə nikah bağlanıb;
-ölkədə nə qədər avtomobil satışı olub;
-ölkədə neçə adamın ad günüdür;
-ölkədəki şirniyyat evlərində nə qədər tort sifarişi olub;
-ölkədəki gül mağazalarında nə qədər gül sarılıb;
-ölkədə neçə nəfərin nikah ildönümüdür;
-ölkədə neçə nəfərin toyunun ildönümü günüdür;
-ölkədə neçə nəfərin nikaha daxil olmasının ildönümüdür;
-ölkədə neçə nənə nəvəsi ilə, neçə ana, neçə ata oğlu-qızı ilə bir gündə ad gününü qeyd edir;
-ölkədə neçə uşağın bürcü dəyişik düşüb;
Hə, elə ki, bunların statistikasını apara bilib, rəqəmlərdən gözü başına çıxanlar olacaq, onda onu da anlayacağıq ki, hə, biz necə böyük bir psixoloji sindroma düçar olub ömür sürməkdəyik:“zerkalnı” sindromuna. Nəzər salsaq, həm də illər öncədən...
Nə deyək, Allah şəfamızı versin!
Mətanət Məmmədova