“Optimistlər xəstəliklərlə daha yaxşı mübarizə aparırlar...”

...Nikbin olmağa çalışanlar rasional hərəkət edirlər.

SİA-nın məlumatına görə, Knife xəbər verir ki, İsrail və ABŞ-dan olan alimlərin yeni bir araşdırması göstərib ki, müsbət baxış bucağı peyvəndin immun reaksiyasını gücləndirə bilər.

Aydınlaşdırmaq vacibdir: məqalənin müəllifləri ən yaxşıya inanmağın insanları xəstəliklərdən xilas edəcəyini iddia etmirlər.

Lakin onlar müəyyən bir düşüncə növünün bədənimizin infeksiyalarla bir az daha effektiv mübarizə aparmasına kömək etdiyini sübut ediblər.

Tədqiqat Nature Medicine jurnalında dərc edilib.

Alimlər 85 könüllü ilə təcrübə aparıblar.

Onlar təsadüfi olaraq üç qrupa bölünüb və müxtəlif zehni strategiyalar - emosional vəziyyətlərini idarə etmək üsulları ilə tanış ediliblər.

Təlim zamanı iştirakçılara tapşırıqları nə dərəcədə yaxşı yerinə yetirdikləri barədə məlumat verilib; onlar mütəxəssislərdən real vaxt rejimində rəy alıblar.

Dörd təlim sessiyasından sonra bütün iştirakçılara hepatit B peyvəndi vurulub.

Daha sonra onlar iki dəfə - iki və dörd həftə sonra - qan veriblər və alimlər nümunələri antikorlar üçün təhlil ediblər. Onlar beynin mükafat sisteminin bir hissəsi olan ventral tegmental sahədə (VTA) aktivliyi artan insanların peyvəndin immun reaksiyasına ən güclü reaksiya göstərdiyi qənaətinə gəliblər.

Görünür, daha optimist düşünməyi öyrənən iştirakçıların bədənləri peyvəndlə ən yaxşı reaksiya verib.

Tədqiqatın baş müəllifi Dr. Nitzan Lubianiker izah edib ki, "Sınaqdan keçirdiyimiz yanaşma yalnız peyvəndlə immun reaksiyasını artırmaq üçün əlavə vasitə kimi nəzərdə tutulub. Bu, peyvəndləri və ya standart tibbi yardımı əvəz edə bilməz və etməməlidir."

İndi komanda yeni immunitet gücləndirmə texnikasının effektivliyini müəyyən etmək üçün əlavə tədqiqatlar aparmalıdır.

Nazlı Almuradova