Azərbaycan Respublikasının Dövlət Sərhəd Xidməti

Müsabiqə müstəqil dövlətçiliyimizin əsas atributlarından olan sərhədlərimizin müqəddəsliyinin, Dövlət Sərhəd Xidmətinin, Sərhəd Qoşunlarının əldə etdiyi nailiyyətlərin, cəmiyyətdəki rolunun və əhəmiyyətinin ictimaiyyətə çatdırılması, gənc nəslin milli-dövlətçilik ruhunda tərbiyə edilməsi, sərhədçilərin estetik zövqünün yüksək səviyyədə formalaşdırılması məqsədini daşıyır.
Müsabiqə dörd nominasiyada - kino sənəti üzrə (Sərhəd Qoşunlarının tarixindən bəhs edən sənədli film), rəsm sənəti üzrə: rəngkarlıq, qrafika (sərhəd mənzərələri), musiqi sənəti üzrə (sərhədçilər haqqında mahnı) və foto sənəti üzrə (sərhəd mənzərələri) keçirilir.
Müsabiqə qalibləri üçün aşağıdakı mükafatlar təsis olunur:

KİNO SƏNƏTİ ÜZRƏ:
(Sərhəd Qoşunlarının tarixindən bəhs edən sənədli film)
I mükafat - 4.000 manat, 1- ci dərəcəli diplom;
II mükafat - 3.000 manat, 2- ci dərəcəli diplom;
III mükafat - 2.000 manat, 3- cü dərəcəli diplom.

MUSİQİ YARADICILIĞI ÜZRƏ:
(sərhədçilər haqqında mahnı) musiqisinə görə:
I mükafat - 800 manat, 1- ci dərəcəli diplom;
II mükafat - 600 manat, 2- ci dərəcəli diplom;
III mükafat - 400 manat, 3- cü dərəcəli diplom
sözlərinə görə:

I mükafat - 500 manat, 1- ci dərəcəli diplom;
II mükafat - 400 manat, 2- ci dərəcəli diplom;
III mükafat - 300 manat, 3- cü dərəcəli diplom.

RƏSM ÜZRƏ:
(sərhəd mənzərələri) rəngkarlıq:
I mükafat - 800 manat, 1- ci dərəcəli diplom;
II mükafat - 600 manat, 2- ci dərəcəli diplom;
III mükafat - 400 manat, 3- cü dərəcəli diplom.
qrafika:
I mükafat - 300 manat, 1- ci dərəcəli diplom;
II mükafat - 250 manat, 2- ci dərəcəli diplom;
III mükafat - 200 manat, 3- cü dərəcəli diplom.

FOTO ÜZRƏ:
(sərhəd mənzərələri)
I mükafat - 350 manat, 1- ci dərəcəli diplom;
II mükafat - 250 manat, 2- ci dərəcəli diplom;
III mükafat - 150 manat, 3- cü dərəcəli diplom.

MÜSABİQƏNİN ŞƏRTLƏRİ

1. Əsərlər 2009-cu il iyun ayının 20-dək Dövlət Sərhəd Xidmətinin mərkəzi aparatına təqdim olunmalıdır.
2. Rəsm üzrə iştirakçılar müsabiqəyə 120 x 80 santimetr ölçüdə əsərlər təqdim etməlidirlər.
3. Foto üzrə iştirakçılar müsabiqəyə 90 x 70 santimetr ölçüdə əsərlər təqdim etməlidirlər.
4. Təqdim olunan bütün əsərlərdə Sərhəd Qoşunları tərənnüm edilməlidir.
5. Müsabiqənin nəticələri Sərhəd Qoşunlarının yaranmasının 90-cı ildönümü ərəfəsində elan ediləcəkdir.
Əlavə məlumat almaq üçün aşağıdakı ünvana müraciət etmək olar:
Bakı şəhəri, Z.Əliyeva küçəsi 30. Dövlət Sərhəd Xidmətinin mərkəzi aparatı.
Əlaqə telefonları: 498-01-55; 498-01-69