İran yerin orbitinə növbəti peyk çıxarıb

"Frans Press" informasiya agentliyinini yaydığı məlumata görə, İran yerin orbitinə "Rassad-1" süni peyk çıxarmışdır. Kosmik aparat "Safir" raket daşıyıcısının köməyi ilə 260 kilometr yüksəkliyə qaldırılmışdır. "Rassad-1" sutka ərzində yerin ətrafına 15 dəfə dövrə vurur və onun şəkillərini çəkir. Süni peyk 2 ay ərzində tədqiqat aparacaqdır.

"Rassad-1" aparatı Tehranın Malik Əjdər Texnoloji Universitetində yaradılmışdır. "Rassad-1"-in uçuşa hazırlanması 2010-cu ilin iyunundan məlum olmuşdur. Kosmik aparat 2010-cu ilin avqustunda yerin orbitinə çıxarılmalıdır. İranın kosmik proqramı 2008-ci il fevralın əvvəlində başlamışdır. İlk kosmik gəmi 2009-cu ilin fevralında orbitə çıxarılmışdır. Onun adı "Omid" olmuşdur və bir ay işlədikdən sonra atmosferə daxil edilərək yanmışdır. 2011-ci ilin martında İran "Kavoşkar-4" raketini orbitə buraxmışdır. Raketin içərisində test kapsulu olmuşdur.

İranın kosmik proqramı Qərb ekspertləri tərəfindən "hərbi mövqeli" raket kimi qiymətləndirilmişdir. Qərbdə belə hesab edirlər ki, Tehran nüvə başlıqlı raketlər yarada bilər.