“Anti-Azərbaycan platformasında birləşən müxalifət hələ də hesab edir ki, Qərbdən gəlib onlarıhakimiyyətə gətirəcəklər”

"Görün, Azərbaycan müxalifəti nə qədər rəzil, anti-Azərbaycan mövqelidir. Gələn qonaqları mikrorayonlara aparıb göstərirlər ki, burada asfalt dağılıb. Niyə aparıb qaçqın düşərgələrini göstərmirlər?" Bu sözləri Prezident Administrasiyası ictimai-siyasi şöbəsinin müdiri Əli Həsənov səsləndirib.

Əli Həsənov müxalifətdəkilərin əksəriyyətinin müharibəni yaşadıqlarını bildirib: "Lakin onları Dağlıq Qarabağ deyil, hakimiyyətə gəlmək maraqlandırır. Onlara isə hakimiyyəti kimin verəcəyini yaxşı bilirlər. Lakin bunun üçün Azərbaycanı işğal etmək, azərbaycanlıların meyidi üzərindən keçmək lazımdır. Biz qətiyyən demirik ki, Azərbaycanda hüquqları tapdanan yoxdur. Anti-Azərbaycan platformasında birləşən müxalifət isə hələ də hesab edir ki, Qərbdən gəlib onları hakimiyyətə gətirəcəklər. Öz xalqı qarşısında hesabat verməyən insanlar hakimiyyətə gəlmək istəyirlər. Xalqın etimadına söykənməyən heç bir qurum möhkəm ola bilməz. Guya xalq gəzintisi keçirirlər. Bir nəfər çıxıb desin ki, harada belə xalq gəzintisi olub? Hansı xalq yürüşü zamanı xarici jurnalist görən kimi özünü yerə çırpıb, çığırıb? Müxalifətin təşkil etdiyi xalq yürüşündə isə məhz belə hallar oldu".