İsa Həbibbəyli: "Elm haqqında" qanun layihəsi Azərbaycan cəmiyyətində elmi intellektual potensialın cəmiyyət quruculuğuna yönəldilməsində yeni imkanlar açacaqdır"

"Elm haqqında" Azərbaycan Respublikasının qanun layihəsi Milli Məclisin plenar iclasında ikinci oxunuşdan müzakirə edildikdən sonra deputatların və bu sahəyə ayrılan qurumların fikirləri, mülahizələri və təklifləri diqqətlə nəzərdən keçirilib. Bugünkü elmin inkişafına kömək edən və mətndə təkrarçılığa yol verilməyən yeni müddəlar "Elm haqqında" qanun layihəsinə daxil edilib".

Bu sözləri "Səs" qəzetinə açıqlamasında AMEA-nın vitse-prezidenti, Milli Məclisin Elm və Təhsil Komitəsinin sədri İsa Həbibbəyli bildirib.

İsa Həbibbəyli vurğulayıb ki, layihə artıq bütün ekspertizalardan keçərək elmi inkişaf etdirmək üçün əhəmiyyətli bir sənəd halına çatdırılmışdır: "Düşünürəm ki, bu qanun elmimizin inkişafına, həmçinin, elm adamlarımızın sosial rifah halının yüksəlməsinə öz müsbət töhfəsini verəcək, eyni zamanda onların elmi intellektual potensialın cəmiyyət quruculuğuna yönəldilməsində yeni imkanlar açacaqdır".

Rəfiqə HÜSEYNOVA