Dövlət Miqrasiya Xidmətinə ekskursiya təşkil olunub

Dövlət Miqrasiya Xidmətinin yaradılmasının 10 illik yubileyi münasibətilə təsdiq edilmiş tədbirlər planına əsasən, Binəqədi rayon məktəblilərinin növbəti qrupunun xidmətin aparatına ekskursiyası təşkil edilib. Məktəblilər DMX-nın qəbul və gözləmə zalları, "Çağrı Mərkəzi"nin fəaliyyəti və əməkdaşların iş prosesləri ilə tanış olub, xidmətdə fəaliyyət göstərən Heydər Əliyev Muzeyini ziyarət ediblər. Sonra xidmətin akt zalında Binəqədi rayon məktəbliləri ilə görüş keçirilib.

Tədbirdə çıxış edən Dövlət Miqrasiya Xidməti rəisinin müavini, III dərəcəli dövlət miqrasiya xidməti müşaviri Elman Əliyev məktəblilərə xidmətin yaranma tarixi, fəaliyyət istiqamətləri, həyata keçirdiyi tədbirlər barədə geniş məlumat verib: "Azərbaycan xalqının Ümummilli Lideri Heydər Əliyevin əsasını qoyduğu müdrik və uzaqgörən siyasətin bu gün Prezident İlham Əliyev tərəfindən uğurla davam etdirilməsi ölkəmizdə iqtisadi-siyasi, sosial-mədəni, bir sözlə, hərtərəfli dinamik inkişafı sürətləndirib. Qeyd edilən müsbət amillər respublikamızı əcnəbilər üçün olduqca maraqlı ölkəyə çevirib".

102 saylı məktəbin müəllimi Dönməz Mirzəyev çıxış edərək belə bir tədbirin təşkilinə görə iştirakçılar adından təşəkkürünü bildirib. Sonra xidmət tərəfindən hazırlanan "Uzun səyahət" filmi nümayiş olunub. Binəqədi rayon məktəblilərinin böyük marağına səbəb olan ekskursiyanın sonunda xatirə şəkili çəkdirilib və şagirdlərə hədiyyələr verilib.

Samir