Alman üzgüçü Senada çimdikdən sonra zəhərlənib

...Almaniyadan olan bir üzgüçü Sena çayında çimdikdən sonra bağırsaq xəstəliyinin əlamətlərini bildirib. SİA-nın əldə etdiyi məlumata görə, 27 yaşlı Leonie Bek ürəkbulanma və ishaldan şikayətlənib.

Bek avqustun 8-də keçirilən açıq suda 10 kilometr məsafəyə yarışda iştirak edib.

İki gün əvvəl Sena çayında üzgüçülərin məşqi suyun keyfiyyətsiz olması səbəbindən ləğv edilmişdi. Paris Olimpiadası zamanı bir neçə idmançı Sena çayında üzdükdən sonra halsızlıqdan, mədə və bağırsaq xəstəliklərinin əlamətlərindən şikayətlənib.

TASS xəbər verir ki, zəhərlənənlər arasında qazaxıstanlı Yekaterina Şabalina və belçikalı Kler Mişel də var.

Əli Babayev