Rusiyanın MiQ-31K təyyarəsi son il yarımda ilk dəfə Belarusa gəlib

Rusiyanın MiQ-31K qırıcı təyyarəsi, ehtimal ki, Belarusdakı aerodromlardan birinə uçub. Bu təyyarə "Kinjal" hipersəs raketlərini daşıyır. SİA xarici qaynaqlara istinadən xəbər verir ki, bu barədə RBC-Ukrayna "Belarus Qayun" monitorinq qrupuna istinadən məlumat yayıb.

Monitorinq məlumatlarına əsasən, Rusiya Aerokosmik Qüvvələrinə məxsus MiQ-31K qırıcısı Minsk yaxınlığındakı Belarusun Maçulişçi aerodromuna enib.

...Qeyd edək ki, Rusiya Aerokosmik Qüvvələrinin MiQ-31K tipli qırıcıları 2023-cü il aprelin 6-dan Belarusda olmayıb. Eyni zamanda Rusiya və Belarus MiQ-31K-nın uçuşlarını simulyasiya ediblər. Bu da öz növbəsində Ukraynada genişmiqyaslı hava reydlərinə səbəb olub.

MiQ-31K, "Kinjal" hipersəs raketlərinin buraxılması üçün nəzərdə tutulmuş sovet çoxməqsədli MiQ-31 tutma qurğusunun modifikasiyasıdır.

MiQ-31K yüksək dəqiqlikli raketlərdən istifadə etməklə hava hədəflərinin tutulması və yerüstü hədəflərin vurulması missiyalarını yerinə yetirə bilir.

Əli Babayev