Sarayevo şəhərində İsrailə qarşı nümayişlər olub

Bosniya və Herseqovinanın paytaxtı Sarayevoda İsrailin Qəzzaya hücumlarına qarşı etiraz aksiyası keçirildi. İştirakçılar paytaxt Sarayevodakı tarixi Başçarşı Meydanında toplaşdılar. SİA xarici qaynaqlara istinadən xəbər verir ki, burada Fələstin bayrağını qaldıran nümayişçilər İsrail əleyhinə şüarlar səsləndirdilər.

Əllərində Qəzzada öldürülən uşaqları təmsil edən oyuncaq maketləri daşıyan etirazçılar "azad Fələstin", "azad Qəzza", "soyqırımını dayandırın" şüarları səsləndirdilər və Qəzzada təcili atəşkəs tələb etdilər.

Onlar eyni zamanda İsrail ordusunun Livana qarşı hücumlarını da qınadılar.

Başçarşıdan Fərhadiyə küçəsi boyunca yürüş edən nümayişçilərə şəhərdəki turistlər də dəstək verdi.