Putin HƏMAS-ın azad etdiyi rusiyalıdan danışıb

Rusiya vətəndaşı Aleksandr Trufanovun Fələstin radikal HƏMAS hərəkatı tərəfindən əsirlikdən azad edilməsi Moskvanın Yaxın Şərqdəki ardıcıl siyasəti sayəsində mümkün olub. SİA-nın məlumatına görə, TASS xəbər verir ki, bu barədə Rusiya lideri Vladimir Putin bildirib.

...Rusiya vətəndaşı Trufanovun azadlığa buraxılması, digər məsələlərlə yanaşı, Rusiyanın Yaxın Şərqdəki vəziyyətin nizamlanması üzrə ardıcıl siyasəti sayəsində mümkün olub və bu, regiondakı bir çox tərəfdaşlarda etimad yaradır, - dövlət başçısı qeyd edib. Putin əlavə edib ki, xilas qismən HƏMAS-ın "xoş niyyəti" sayəsində baş verib.

Qeyd edək ki, Aleksandr Trufanov və iki israilli Qəzzada 500 günlük əsirlikdən sonra şənbə, fevralın 15-də azad edilib. Girovlar Qızıl Xaç Cəmiyyətinə təhvil verilib. Azad edilən şəxsin anası Elena Trufanova oğlunun 2023-cü il oktyabrın 7-də HƏMAS-ın hücumu zamanı hər iki ayağından güllələndiyini bildirib.

Əli Babayev