Politico: Putin Trampla danışıqlar aparmağa cəhd edib...

...Rusiya hakimiyyəti ABŞ-a razılaşma təklif edib.

SİA-nın məlumatına görə, RBC-Ukraine Politico-ya istinadən xəbər verir ki, Moskva Vaşinqtonun Ukrayna ilə kəşfiyyat məlumatlarını paylaşmağı dayandıracağı təqdirdə İranla kəşfiyyat məlumatlarını paylaşmağı dayandıracağına söz verib.

Nəşrin mənbələrinə görə, Rusiyanın xüsusi elçisi Kirill Dmitriyev ötən həftə Mayamidə keçirilən görüşdə Trampın nümayəndələri Stiv Vitkoff və Cared Kuşnerə bu təklifi səsləndirib.

Xüsusilə, Rusiya Yaxın Şərqdəki Amerika bazalarının dəqiq koordinatlarını İranla paylaşmağı dayandırmağa hazır idi. Əvəzində Moskva Ukrayna Müdafiə Qüvvələrinin Amerika kəşfiyyatından məhrum edilməsini istəyirdi.

Nəşrin mənbələri Tramp administrasiyasının təklifi rədd etdiyini bildirib.

Lakin, belə bir razılaşma cəhdinin özü Avropa diplomatları arasında qəzəbə səbəb olub və onlar bunu Moskvanın kritik anda Avropa ilə ABŞ arasında münasibətləri pozmaq cəhdi kimi görürlər.

"Politico"nun məlumatına görə, belə bir razılaşma Avropada Vitkoff və Dmitriyev arasındakı görüşlərin sülh danışıqları kontekstində konkret irəliləyişlərə səbəb olmadığı, sadəcə Moskvanın Avropa ölkələrinin arxasında Vaşinqtonla danışıqlar aparmaq cəhdləri olduğuna dair şübhələri artıracaq. Başqa bir mənbə qeyd edib ki, ABŞ Rusiya rəsmilərinin İranla zənginləşdirilmiş uranı Rusiyaya təhvil vermək təklifini rədd edib.

Əli Babayev