Merkel Rusiya-Ukrayna danışıqlarında mümkün vasitəçi kimi göstərilib...

...SİA xəbər verir ki, "Bild" qəzetinin məlumatına görə, Avropa siyasi dairələri Almaniyanın keçmiş kansleri Angela Merkelin Rusiya ilə Ukrayna arasında danışıqlarda vasitəçilik etməsi ehtimalını müzakirə edir.

Qəzetin məlumatına görə, bu fikir qeyri-rəsmi şəkildə nəzərdən keçirilir.

Merkelin lehinə arqumentlər arasında onun rus dilini bilməsi, Putin və Ukrayna prezidenti Volodimir Zelenski ilə şəxsi tanışlığı və hazırda heç bir siyasi vəzifə tutmaması yer alır.

Putin keçmiş kansler Gerhard Şröderi mümkün vasitəçi kimi təklif etdikdən sonra müzakirə daha da şiddətlənib.

Lakin AB, Moskvanın danışıqlar aparan namizədi müəyyən etməsini istəmədiyini vurğulayır.

Avropa Birliyinin xarici işlər naziri Kaya Kallas bunun "çox da məntiqli olmadığını" bildirib.

Münhen Təhlükəsizlik Konfransının prezidenti Volfqanq İşinqer qeyd edib ki, istənilən vasitəçi "Avropa səviyyəsində, xüsusən də Şərqi Avropa və Baltikyanı ölkələrdən geniş dəstək almalıdır".

Lakin Merkelin kansler kimi fəaliyyəti mübahisə mövzusudur.

O, bir neçə Aİ ölkəsinin tənqidlərinə baxmayaraq, "Şimal Axını 2" layihəsini təşviq edib və 2022-ci ildə münaqişənin gərginləşməsinin qarşısını ala bilməyən 2014-2015-ci illər Minsk razılaşmalarında əsas rol oynadı.

Merkelin ofisi bildirib ki, o, hələlik "vasitəçilik üçün heç bir müraciət" almayıb. Lakin, belə bir rolu öz üzərinə götürmək istəyi barədə soruşulduqda, o, birbaşa imtina etməyib.

Əli Babayev