Ankara Qahirənin müdafiə müqaviləsinə qoşulmasına icazə verib

Türkiyə Misirin Səudiyyə Ərəbistanı və Pakistanla müdafiə müqaviləsində iştirakını nəzərdən keçirməyə hazırdır.

SİA xarici KİV-ə istinadən xəbər verir ki, Türkiyənin vitse-prezidenti Cövdət Yılmaz Qahirənin Ankara, İslamabad və Ər-Riyad arasında müdafiə müqaviləsinə qoşulma ehtimalını açıqlayaraq Misirin əhəmiyyətli hərbi potensiala malik olduğunu qeyd etdi.

"Əlbəttə ki, gələcəkdə bu [genişləndirmə - red.] mümkündür. Misir kifayət qədər güclü bir ölkədir və onun iştirakı belə bir format üçün əhəmiyyətli ola bilər", - Yılmaz bildirib.

Daha əvvəl Türkiyə, Səudiyyə Ərəbistanı və Pakistan üç ölkə liderinin imzaları ilə möhürlənmiş müdafiə müqaviləsi imzalayıblar.

Medianın məlumatına görə, müqavilələr regional təhlükəsizlik sistemi daxilində kəşfiyyat və koordinasiya sahəsində əməkdaşlığın konturlarını müəyyən edir.